चिनियाँ नागरिकलाई सरकारी कर्मचारीहरुलाई आर्थिक प्रलोभनमा परेर नागरिकता दिइएको बाहिरिएको छ । यो प्रकरणमा नायव सुव्वा र शाखा अधिकृतमाथि छानबिनको सुँइ सोझिएको छ भने प्रमुख जिल्ला अधिकारीको भूमिकासमेत शंकास्पद् देखिएको छ ।
बिज्ञापन
प्रहरीले चिनियाँ नागरिक सोनाम तामाङसँग चार लाख रुपैंया लिएर उनलाई नेपाली नागरिकता बेचेको आरोपमा जिल्ला प्रशासन कार्यालय धादिङका अधिकृत र नासुमाथि छानविन अगाडि बढाएको हो । प्रहरीले अधिकृत छत्र अधिकारी र नासु कृष्ण प्रसाद थपलियामाथि छानविन थालेको हो ।
बिज्ञापन
तिब्बतमा घर भएको सोनामले चार लाख खर्च गरेर जिल्ला प्रशासन धादिङबाट नागरिकता लिएको खुलेपछि कर्मचारी पनि छानविनमा तानिएका हुन् । जिल्ला प्रशासनका कर्मचारीलाई ५० हजार रुपैयाँ घुस दिएर सम्बन्धित व्यक्ति समेत उपस्थित नभई नागरिकता लिएको खुलेको छ । प्रहरीले सोनामसहित पाँच जनालाई पक्राउ गरेर अनुसन्धान अघि बढाएको छ ।
सोनामको नागरिकता नम्बर २६–०१–८१–०३२१७ रहेको छ र सो नागरिकता दिलाउन सहयोग गर्ने मदनबहादुर तामाङ, रामेश्वर रिमाल, छिरिङ ढुन्डुप र छिरिङ वाङ्दिनले मुख्य भूमिका खेलेको बताइएको छ । प्रहरी सोधपुछको क्रममा उनले नेपाली नागरिकता लिन चार लाख खर्च गरेको बताएका छन् । उनले सो पैसा तिब्बतका छिरिङ ढुन्डुपलाई दिएका थिए । छिरिङले ५० हजार आफु राखी सिन्धुपाल्चोक घर भएका छिरिङ् वाङ्दीन शेर्पालाई तीन लाख ५० हजार दिएर काममा लगाएका थिए । छिरिङ् वाङ्दीनले धादिङ खनियावासका रामेश्वर रिमाललाई दिए । छिरिङले ५० हजार राखी तीन लाखसहितको कामको जिम्मा रिमाललाई दिएका थिए ।
बिज्ञापन
रिमालले एक लाख आफुले राखेर दुई लाख खनियाँवासकै मदन तामाङलाई दिएकोमा उनले नै जिल्ला प्रशासनमा सेटिङ मिलाएर नागरिकता निकालेका हुन् । उनले ५० हजार जिल्ला प्रशासनका नायब सुब्बा कृष्ण प्रसाद थपलियाले बताएका छन् । गत ६ असारमा जारी भएको नागरिकमा अधिकृत छत्र अधिकारीको हस्ताक्षर छ । नेत्रावती डबजोङ गाउँपालिका वडा नम्बर १ ठेगाना भएको राखेर बुबा हर्कमान तामाङलाई बुबाका रुपमा खडा गरी नागरिकता दिइएको खुलेको छ । प्रहरीले जिल्ला प्रशासन कार्यालयका कर्मचारीमाथि पनि छानविन अघि बढाएको छ । नागरिकता बनाउँदा सम्बन्धित व्यक्ति अनिवार्य उपस्थित हुनुपर्नेमा सोनाम धादिङ नै गएका थिएनन् । उनी राष्ट्रिय परिचयपत्र र राहदानी समेत बनाउने प्रक्रियामा थिए । धादिङ प्रहरीले पक्राउ परेका उपर मुद्दा प्रक्रिया अघि बढाएको छ ।
यो विवादमा त्यहाँका प्रमुख जिल्ला अधिकारी हुन रोजेन्द्रदेव पाण्डे समेत मुछिएका छन् । उनी प्रमुख जिल्ला अधिकारीको कुर्सीमा रहँदा तिव्वती नागरिकलाई नेपाली नागरिकता दिने काम भएको छ ।पाण्डे २०८१ जेष्ठ २१ गतेदेखि उक्त जिल्लाको प्रमुख जिल्ला अधिकारीको भूमिकामा छन् ।
