९ साउनदेखि रिक्त रहेको चलचित्र विकास वोर्डको कुर्सीमा को पुग्ला ? धेरैको अनुमान छ ‘भुवन केसीको ठाउँमा दिनेश डिसी । घटनाक्रम त्यही ढंगबाट विकास भइरहेको छ । अध्यक्षका लागि आवेदन दिएकी पूरानो अभिनेत्री करिष्मा मानन्धर हालै मात्र चपली हाइटमा पुगेर शक्तिकेन्द्र भेट गरेसँगै परिणाम अर्कै आउन सक्ने आँकलन गरिएको थियो । नव एमालेका रुपमा चित्रित ‘सूर्यकुमारी’ हालैमात्र पूर्व राष्ट्रपति विद्यादेवी भण्डारीको निवासमा पुगेर भैलो खेलेर परिणाम अरु नै आउन सक्ने आँकलन गरिएको थियो ।
बिज्ञापन
उमेद्धारहरुले गत आइतबारमात्र अध्यक्षका लागि आवेदन दिएकाहरुले सञ्चार मन्त्रालयमा आफ्नो कार्ययोजना प्रस्तुतिकरण र अन्तरवार्ता दिएका थिए । साँझ ५ बजेपछि मन्त्रालयका सहसचिव वावुराम भण्डारी,संस्थान समन्वय शाखाको उपसचिव इन्द्र बस्याल,एक जना विज्ञ सदस्यको टोलीसँग उनीहरुको प्रस्तुतिकरण अन्र्तवार्ता दिएका हुन ।
अध्यक्ष पदका लागि सूर्यकुमारी उर्फ करिश्मा मानन्धरदेखि चलचित्र निर्देशक दिनेश डिसी,दिपा पाण्डे बस्नेत,संस्कृतिकर्मी राजेशकुमार थापा,निर्माता अर्जुनकुमार डंगोल र बोर्ड सदस्य प्रकाश भट्टराई अध्यक्षहरु चर्काे दौडमा थिए ।
तर करिष्मा मानन्धर आउट भएकी छिन् । सञ्चार मन्त्रालयले चलचित्र विकास बोर्डको अध्यक्षका लागि तीन जनाको नाम सिफारिस गरेको छ । मन्त्रालयका अनुसार दिनेशराज दाहाल (डिसी), दीपा पाण्डे र राजेश थापाको नाम सिफारिस भएको हो ।
बिज्ञापन
सिफारिस समितिले तीन जनाको नाम सञ्चार तथा सूचना प्रविधिमन्त्री पृथ्वीसुब्बा गुरुङ समक्ष पेश गरेको र तीन जना मध्ये कुनै एक जनालाई मन्त्रिपरिषद् बैठकले बोर्ड अध्यक्षमा नियुक्त गर्नेछ । आजै बस्ने क्याविनेटले विकास वोर्डको अध्यक्षमा सिफारिस गर्न सक्नेछ ।
आवेदन दिनेमध्ये अधिकांश एमाले निकटका थिए । करिश्मा एमालेको साहित्य,कला तथा सांस्कृतिक विभागकी सदस्य, आधा दर्जन चलचित्रको निर्देशन र चार दर्जन बढी चलचित्रमा अभिनय गरिसकेका दिनेश डिसीले बालुवाटारको ग्रिन सिग्नल पाएरै गत १६ साउनमा आवेदन खुले लगतै ६९ बुँदे कार्य योजनासहित पहिलो दरखास्त हालेको बताइन्छ । उनी पनि जनपक्षीय चलचित्रकर्मी संघका अध्यक्षसँगै एमाले सम्वद्ध जनसांस्कृतिक महासंघको केन्द्रीय सदस्य समेत हुन । राजेशकुमार थापा जनसांस्कृतिक महासंघका हर्ताकर्ता अनि निर्माता अर्जुनकुमार यसअघि एमालेको कोटाबाट विकास बोर्डमा सदस्य खाइसकेका हुन । यीमध्येबाट डिसी,दीपा पाण्डे र राजेश थापाको नाम सिफारिस भएको हो ।
बिज्ञापन
