स्थानीय तह संस्थागत क्षमता स्वमूल्यांकन (लिसा) को नतिजा अनुसार रसुवा जिल्लाका पाँच पालिकामध्ये उत्तरगया गाउँपालिका अब्बल देखिएको छ । सामान्य प्रशासनले देशैभरका ७५३ स्थानीय तहको स्थानीय तह संस्थागत क्षमता स्वमूल्यांकन (लिसा)को शुक्रवार सार्वजनिक गरेको नतिजा अनुसार रसुवा जिल्लाका पाँच पालिकामध्ये उत्तरगया अब्बल ठहरिएको हो ।
बिज्ञापन
मन्त्रालयले आर्थिक बर्ष ०७९/ ८० को स्थानीय तह संस्थागत क्षमता स्वमूल्यांकन लिसाको सार्वजनिक गरेको विवरण अनुसार उत्तरगया गाउँपालिकाले ६७ दशमलव ५० अंकभार पाएको छ । पालिकाको शासकीय प्रवन्ध,संगठन तथा प्रशासन,बार्षिक बजेट तथा योजना तर्जुमा व्यवस्थापन,वित्तिय एव आर्थिक व्यवस्थापन,सेवा प्रवाह,न्यायिक कार्यसम्पादन,भौतिक पूर्वाधार,सामाजिक समावेशीकरण,विपद् व्यवस्थापन र सहकार्य र समन्वय लगायतका कार्यसम्पादनका आधारमा उत्तरगयाले ६७ दशमलव ५० अंक पाउँदा नौकुण्ड गाउँपालिकाले ६७ दशमलव २५ अंक दिएको छ ।
बिज्ञापन
यस्तै गोसाइकुण्डले ६६ दशमलव ७५ अंक दिँदा कालिका गाउँपालिकाले आफूले आफैलाई कार्यसम्पादनका आधारमा ६१ दशमलव २५ अंक दिएको छ ।
यस्तै आमाछोदिङ्मोले आफ्नै मूल्यांकनमा आफूलाई ५७ अंक दिएको छ ।
बिज्ञापन
सार्वजनिक विवरण अनुसार गाउँपालिकातर्फ वेनिघाट रोराङ ८७ दशमलव २५ अंकसहित प्रथम, रुरुक्षेत्र गाउँपालिका ८७ नम्बरसहित दोश्रो र ईन्द्रावती गाउँपालिका ८७ अंकसहित तेश्रो स्थान हासिल गरेका छन् ।
यस्तै नगरपालिकाहरु नीलकण्ठ नगरपालिका धादिडले ९२ दशमलव ५० अंकसहित प्रथम भएको छ । यस्तै तिलोत्तमा नगरपालिका ९२ अंकसहित देशभरीका नगरपालिकामध्ये दोश्रो र रत्ननगरपालिका ९१ दशमलव ५० अंक्सहित देशभरका नगरपालिकामध्येबाट तेश्रो भएको छ ।
महानगरपालिकातर्फ ललितपुर महानगरपालिकाले ८४ दशमलव ५० अंक प्राप्त गरेको छ । यस्तै भारतपुर महानगरपालिकाले ८३ दशमलव ८३ अंक प्राप्त गर्दा विराटनगर महानगरपालिकाले ८२ दशमलव ५० अंक,पोखरा महामगरपालिकाले ८० दशमलव ७५ अंक,काठमाडौँ महानगरपालिका ७७ दशमलव ५० अंक र स्वमूल्यांकनमा कमजोर देखिएको वीरगन्जले ५९ दशमलव ५० अंक मात्रै पाएको छ ।
स्थानीय तह संस्थागत क्षमता स्वमूल्याङ्कन कार्यविधि,२०७७ को दफा ६ को उपदफा ४ सँग सम्बन्धित अनुसूची ५ मा स्थानीय तहको स्वमूल्याङ्कन कार्य योजना बमोजिमका प्रक्रियाहरू अवलम्बन गरी स्वमूल्याङ्कन गर्नु पर्ने व्यवस्था रहेको छ । जस अनुसार स्थानीय तहको वार्षिक कार्यक्रममा लिजालाई पनि समावेश गरी आर्थिक वर्ष सुरुसँगै श्रावण महिनाभित्र लिजा फोकल पर्सन तोकी फोकल पर्सन द्वारा स्थानीय तहको स्वमूल्याङ्कनको लागि तयारी बैठक श्रावण मसान्तभित्र सम्पन्न गरी प्रमाणीकरणको अदारहरू सङ्कलन गरी परिच्छेद ३ बमोजिम लिजाको उद्देश्य, विधि र प्रणालीबारे कार्यपालिका र सम्बन्धित कर्मचारीहरूलाई कार्तिक मसान्तभित्र प्रशिक्षण कार्य सम्पन्न गरी मंसिर १५ गतेभित्र स्वमूल्याङ्कन प्रणालीमा आधारित भई प्रारम्भिक नतिजा तयार गरी पृष्ठपोषणका लागि जिल्ला समन्वय समितिमा पठाउनु पर्दछ ।
प्रमुख प्रशासकीय अधिकृतले प्रारम्भिक नतिजा छलफलका लागि कार्यपालिका बैठकमा पेस गर्नु पर्ने हुन्छ । कार्यपालिकाबाट प्राप्त सल्लाह र पृष्ठपोषण सहित स्वमूल्याङ्कनको अन्तिम नतिजाको समीक्षा गर्दै सबल पक्ष र कमजोर क्षेत्रको पहिचान, गत वर्षको नतिजा तथा अन्य स्थानीय तहको नतिजासँग तुलना गरी कमजोर रहेको क्षेत्रको सुधारका लागि कार्य योजना तयार गर्नुको साथै अन्तिम स्वमूल्याङ्कन नतिजालाई पौष मसान्तभित्र कार्यपालिकाबाट अनुमोदन गर्नु पर्दछ ।
