न्याय सेवा आयोगको बैठकले २० सरकारी वकिलहरूको सरुवा गरेको छ । शुक्रबार बसेको न्याय सेवा आयोगको बैठकले विभिन्न सरकारी वकिल कार्यालयमा कार्यरत रहेकाहरूको सरुवा गरेको हो । सरुवा हुनेमा राजपत्रांकित प्रथम श्रेणीका १० र द्वितीय श्रेणीका १० जना छन्।
बिज्ञापन
सूची अनुसार,सहन्यायाधिवक्ता अच्युतमणि नेउपाने महान्यायाधिवक्ताको कार्यालयबाट उच्च सरकारी वकिल कार्यालय, विराटनगर सरूवा भएका छन्। यस्तै सहन्यायाधिवक्ता राजनराज घिमिरे उच्च सरकारी वकील कार्यालय, बाग्लुङबाट उच्च सरकारी वकिल कार्यालय, जनकपुर पुगेका छन्। सहन्यायाधिवक्ता गोविन्दराज गौली उच्च सरकारी वकिल कार्यालय, बुटवलबाट उच्च सरकारी वकिल कार्यालय, पोखरा पठाइएका छन्।
बिज्ञापन
सहन्यायाधिवक्ता, सोमकान्ता भण्डारी महान्यायाधिवक्ताको कार्यालयबाट उच्च सरकारी वकील कार्यालय, बुटवल सरूवा भएका छन्। सहन्यायाधिवक्ता यदुनाथ शर्मा उच्च सरकारी वकिल कार्यालय, पोखराबाट महान्यायाधिवक्ताको कार्यालय र सहन्यायाधिवक्ता कोषहरि निरौला उच्च सरकारी वकिल कार्यालय, जनकपुरबाट बाग्लुङ पुगेका छन्।
सहन्यायाधिवक्ता मीना गुरुङको उच्च सरकारी वकिल कार्यालय, धनकुटाबाट महान्यायाधिवक्ताको कार्यालय, रामशाहपथमा सरूवा भएको छ। प्रधानन्यायाधीश विश्वम्भरप्रसाद श्रेष्ठको अध्यक्षतामा बसेको आयोगको बैठकले सहन्यायाधीवक्ता तहका १० र उपन्यायाधीवक्ता तहका १० जनाको सरुवा गरेको हो । न्याय सेवा आयोगमा प्रधानन्यायाधीश, वरिष्ठतम न्यायाधीश , लोक सेवा आयोगका अध्यक्ष, कानुनमन्त्री र महान्यायाधिवक्ता सदस्य हुने कानुनी व्यवस्था छ ।
बिज्ञापन
