सरकारले परराष्ट्र सचिव सेवा लम्साललाई राजदूतमा सिफारिस गरेको छ । हिजो अबेर बसेको मन्त्रिपरिषद् बैठकले लम्साललाई बेल्जियम पठाउन लागेको हो ।
बिज्ञापन
०८० मंसिर २९ मा परराष्ट्र मन्त्रालयको सचिव नियुक्त भएकी लम्साल परराष्ट्र मन्त्रालयको पहिलो महिला सचिवका रुपमा रेकर्ड राख्ने कर्मचारी हुन । ८ महिना मन्त्रालयको सचिव चलाएपछि उनलाई राजदूतको जिम्मेवारी दिएर पठाउन लागेको हो । बेल्जियममा यस अघि सहसचिवको दरबन्दी रहेको छ अर्थात परराष्ट्र मन्त्रालय आफैंले तय गरेको मापदण्डलाई बेल्जियमलाई ख श्रेणीमा बर्गीकरण गरेको छ । परराष्ट्रका सचिवहरु प्रायजसो न्युयोर्कस्थित राष्ट्रसंघीय नियोग, अमेरिका, भारत, चीन, बेलायत, क्यानडाजस्ता मुलुक राजदूत बनेर जाँदै आएका थिए तर यस पटक परराष्ट्र मन्त्रालय आफैंले बेल्जियमलाई ख श्रेणीमा बर्गीकरण गरेको मुलुमा राजदूत बनेर जान लम्साल राजी भएकी हुन । अहिले त्यहाँ सहसचिव गेहेन्द्र राजभण्डारी कार्यरत छन् । लम्साल आगामी बर्ष अर्थात २०८२ असारमा ५८ वर्ष उमेर हद लागेर अवकाशमा जानेछिन् ।पाकिस्तानमा राजदूत रहिसकेकी लम्साल ब्रसेल्सस्थित राष्ट्रसंघीय नियोग तथा इयुका लागि पनि राजदूतको जिम्मेवारीमा रहनेछिन् । यसअघिका सचिव भरतराज पौडेललाई भने क्यानाडा पठाइएको छ ।
बिज्ञापन
लम्साललाई राजदूत सिफारिस गरेर सँसदीय सुनुवाइ सकेपछि मन्त्रालयका वरिष्ठ सहसचिव अमृत राई कायम मुकायम सचिव हुनेछन् । उनी परराष्ट्र सेवाका सबैभन्दा सिनियर सहसचिव हुन् । संयुक्त राष्ट्रसंघका लागि नेपाली स्थायी प्रतिनिधिको कार्यकाल सकेर यही वर्ष फर्केका राईले चीन हेर्ने उत्तरपूर्वी डिभिजनको नेतृत्व सम्हाल्दै आएका थिए ।राईलाई ओलीले पहिला दक्षिण अफ्रिाकको राजदूत बनाएका थिए । त्यहाँबाट सिधै संयुक्त राष्ट्रसंघको स्थायी नियोग पठाएका थिए । राष्ट्रसंघबाट राई फर्केको एक वर्ष पनि भएको छैन । ओलीको साथबाट विभिन्न अवसर पाएका राई समयअघि नै सचिव हुने मौका पनि पाउन लागेका छन् ।
हिजोको क्याबिनेट बैठकले पाँच दर्जनको हाराहारीमा सहसचिवहरूको पनि सरुवा गरेको छ ।
बिज्ञापन
