कर्मचारीप्रेस डटकमले गत १६ साउनमा प्रकाशन गरेको अधिकृतको अनेकन चर्तिकला शीर्षकको समाचारमा अधिकृत रामप्रसाद जोशीले आपत्ति जनाउँदै निकामक निकाय प्रेस काउन्सिलमा पुगेका छन् । उनले न्यायीक निकायबाट निरुपण भइसकेको बिषयलाई कोट्याएर समाचार प्रकाशन गरिएको,आफ्नो लोकसेवा तयारी पुस्तकको अनाधिकृत प्रयोग भएको,आफ्नो तस्विरलाई व्लर गरि समाचार प्रकाशन गरिँदा आफ्नो चरित्र हत्या भएको दावी गरेका छन् ।
बिज्ञापन
यद्यपि सामाजिक सुरक्षा भत्ता अपचलन प्रकरणमा परेर जोशी ७० साल असार ३ गतेदेखि साउन २१ गतेसम्म थुनुवा बसेका हुन । यो प्रकरणमा बाजुरा अदालत,उच्च अदालत दिपायल हुँदै सर्वाेच्च अदालतसम्म पुगेको र सर्वाेच्च अदालतका न्यायधीशय हरिप्रसाद फुँयाल र सपना मल्ल प्रधानको इजलाशले ६४ हजार ६ सय जरिवाना तिराएको हुँदा सोही अदालतको फैसलामा टेकेर हामीले समाचार प्रकाशन गरेको हौं । अघिल्लो बर्ष सर्वाेच्च अदालतबाट फैसला भइसकेको भए पनि उनले पिछडिएको क्षेत्रबाट उपसचिव तहमा नाम निकालेसँगै यो प्रकरण जोडेर समाचार प्रकाशन गरिएको थियो तर प्रयोग भएका शब्द,तस्विर र उनको कृति लोकसेवा तयारी पुस्तकप्रति अधिकृत जोशीले आपत्ति जनाउनुभएसँगै समाचारमा प्रयोग गरिएका शब्द र तस्विरले जोशीलाई पर्न गएको चोटप्रति कर्मचारी प्रेस परिवार क्षमा माग्दै प्रेस काउन्सिलको आग्रह बमोजिम प्रत्युक्त शब्द र तस्विरहरु सम्पादन गरिएको छ ।
बिज्ञापन
