गत असार पहिलो साता भ्रष्टाचार मुद्धा चलेर निलम्बन भएका मुख्यसचिव बैकुण्ठ अर्याल अहिले विशेष अदालतमा पुगेका छन् । अख्तियार दुरुपयोग अनुसन्धान आयोगले ९ असारमा मुख्यसचिव डा बैकुण्ठ अर्याललगायत १२ जनाविरुद्ध अन्तशुल्क स्टिकर खरिदमा भ्रष्टाचार गरेको भनी विशेष अदालतमा मुद्दा दायर गरेसँगै निलम्बनमा परेको अहिले बयानका लागि विशेष अदालतमा पुगेका हुन ।
बिज्ञापन
अख्तियारले ३८ करोड ६७ लाख १७ हजार ६४० रुपैयाँ बिगो मागदाबी गरेर विशेषमा मुद्धा दायर गरेसँगै ३५ दिनदेखि निलम्बित अर्याल अहिले बयानका लागि विशेषमा पुगेका हुन ।
बिज्ञापन
आइतबार अध्यक्ष टेकनारायण कुँवर र सदस्यहरु रामबहादुर थापा र रितेन्द्र थापाको इजलासमा उनले बयान दिनेछन् । बयान दिएपछि उनलाई थुनामा पठाउने, धरौटीमा वा साधारण तारिखमा रिहा गर्नेबारे आदेश हुनेछ ।
भ्रष्टाचार मुद्दा दायर भएपछि उनलाई राष्ट्रिय योजना आयोगमा विशेष पद स्थापना गरी सरुवा गरिएको थियो ।यही प्रकरणमा विशेष अदालतले सहसचिव रितेश शाक्यलाई एक लाख धरौटीमा छाड्न आदेश दिइसकेको छ ।
बिज्ञापन
