न्याय सेवा आयोगले केही उपसचिवको सरुवा र नयाँ उपसचिवको पदस्थापन गरेको छ । सोमबार प्रधानन्यायाधीश विश्वभरप्रसाद श्रेष्ठको नेतृत्वमा बसेको आयोगको बैठकले दुई उपसचिव , एक उपन्यायाधिवक्ताको सरुवा गरेको हो ।
बिज्ञापन
सरुवा भएका उपसचिवतर्फ निधिराज न्यौपाने र उत्तम गौतमको सरुवा गरिएको छ। उनीहरूलाई नेपाल कानुन आयोग र कर्णाली प्रदेशको आन्तरिक मामिला तथा कानून मन्त्रालयमा सरुवा गर्ने निर्णय गरेको छ।
बिज्ञापन
सरकारी वकिलतर्फ उपन्यायाधिवक्ता धर्मराज जोशीलाई उच्च सरकारी वकिल कार्यालय दिपायलबाट जिल्ला सरकारी वकिल कार्यालय भोजपुरमा सरुवा गरेको छ।
शाखा अधिकृततर्फ तीन जनाको सरुवा गरिएको छ। सीता घिमिरे, शर्मिला बिक र सुरेशप्रसाद चौलागाईलाई सरुवा गरिएको छ । त्यस्तै २१ जना नयाँ उपसचिवहरूलाई नियुक्ति र पदस्थापन गरिएको छ।
बिज्ञापन
