बर्सनुपर्ने थियो कारवाहीको डण्डा तर गरियो उल्टै पुरस्कृत । एउटा भन्सार कार्यालयका हाकिम हुँदा बदमासीमा मुछिएका व्यक्तिलाई उल्टै पुरस्कृत गर्दै अर्काे भन्सारको हाकिम बनाएरु पठाइयो । अहिले सोही कार्यालयबाट अवैद्य रुपमा रकम असुली भइरहेको बिषय सिंहदरबारसम्म आइपुगेको छ ।
बिज्ञापन
राजस्व अनुसन्धान विभागले भन्सार छली गरी ल्याइएका सामानसहित (२ वटा ट्रक) कन्टेनर बरामद गरेपछि रसुवा भन्सार कार्यालयका प्रमुख रामप्रसाद रेग्मी छानबिनमा तानिए । रेग्मीले एउटा सामान ल्याए पनि ब्यापारीसँग सेटिङ गरी अर्कै सामान ल्याएको घोषणा गरेका ट्रक राजस्वले बरामद गरेको हो । ट्रकमा पाइन्ट ल्याइएको भए पनि भन्सार कार्यालयका प्रमुख रेग्मीले ट्राउजर घोषणा गरेका थिए । पाइन्ट महंगो हुने भएकाले भन्सार महसुल बढी तिर्नुपर्छ, ट्राउजर सस्तो भएकाले कम तिर्नुपर्छ । पाइन्ट र ट्राउजरको मूल्यमा भारी अन्तर हुन्छ । यसरी सरुवा भन्सारमा छँदा बदमासीमा मुछिएर तानिएका रेग्मीलाई हुनुपर्ने थियो कारवाही तर अर्काे आकर्षक मेचीनगर भन्सार कार्यालयको जिम्मेवारी दिएर पठाइयो ।
बिज्ञापन
सात महिना अगाडि झापास्थित मेचीनगर भन्सारका प्रमुख भन्सार अधिकृत रामप्रसाद पाठकलाई रसुवा पठाएर झापास्थित मेचीनगर भन्सारमा खटाइयो रामप्रसाद रेग्मीलाई । भन्सारका हाकिमहरुको कर्मचारी साटफेरमा व्यवसायीहरुको ठूलो हात थियो भन्छन्,भन्सारकै कर्मचारीहरु । रेग्मीलाई झापा खटाइएसँगै त्यहाँका कर्मचारीहरुले अवैद्य रुपमा घुस उठाइरहेको बिषय अहिले सिंहदरबारसम्म आइपुगेको छ । राजश्व प्रशासनमा दाम र नाम दुबै मज्जाले कमाउन सफल रेग्मी हाकिम भएको उक्त कार्यालयका कर्मचारीहरुले दैनिक रुपमा अवैद्य शीर्षकमा लाखौं रकम घुस असुल गरिरहेको उजुरी प्रधानमन्त्री कार्यालयसम्म पुगेको हो ।
उनीहरुले कानुनले नचिन्ने कर्मचारी कोष र जाँचकी कोष शीर्षकमा दैनिक तीन लाखसम्म नजराना असुल्ने गरेको उजुरी प्रधानमन्त्री तथा मन्त्रिपरिषद्को कार्यालयमा पुरेको एक अधिकृतले कर्मचारी प्रेसलाई जनाएका छन् ।
बिज्ञापन
भन्सारसँग सम्बन्धित कुनै ऐन,कानुन,नियम,नियमावलीले नचिन्ने जाँचकी कोष र कर्मचारी कोष शीर्षकमा दैनिक घटीमा एक लाखदेखि बढीमा तीन लाखसम्म असुली गरिने र सो रकम कर्मचारीहरुबीच नै भागबण्डा हुने गरेको भन्दै उजुरी प्रधानमन्त्री तथा मन्त्रिपरिषद्को कार्यालयममा परेको छ । जाँचकी कोष शीर्षकमा रकम असुल्ने धन्दामा त्यहाँका खरिदार,सुब्बा तहका कर्मचारी अगाडि सारिने गरेको बताइएको छ ।
उक्त नाकाबाट आयात तथा निर्यात हुने बस्तुको जाँच्पास गर्दा जाँचकी फण्डका नाममा प्रति गाडी एक हजारदेखि तीन हजारसम्म असुल्ने काम भइरहेको उजुरी प्रधानमन्त्री कार्यालयमा पुगेको हो ।
यता यो बिषयमा त्यहाँका प्रमुख राप्रसाद रेग्मीसँग सम्पर्क राख्दा उनी सम्पर्कमा आउन चाहेनन् । त्यहाँका प्रवक्ता गणपति कँडेलले आफू नयाँ भएको हुँदा यो बिषयमा केही जानकारी नभएको प्रतिक्रिया दिएका छन् ।
