सरकारले निमित्त मुख्यसचिव लिलादेवी गड्तौलालाई कायममुकायम (कामु) मुख्यसचिव बनाएको छ।
बिज्ञापन
सोमबार बसेको मन्त्रिपरिषद् बैठकले गड्तौलालाई कामु मुख्यसचिवको जिम्मेवारी दिने निर्णय गरेको हो।
बिज्ञापन
यसअघि मुख्यसचिव रहेका डा. वैकुण्ठ अर्यालविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेपछि निलम्बिन भएका थिए। अर्याल निलम्बित भएसँगै सरकारले गड्तौलालाई निमित्त मुख्यसचिवको जिम्मेवारी दिएको थियो।
आज बसेको केपी शर्मा ओली नेतृत्वको मन्त्रिपरिषद् बैठकले पूर्ण जिम्मेवारीसहित गड्तौलालाई कामु मुख्यसचिव बनाउने निर्णय गरेको हो।
बिज्ञापन
यससँगै उनी नेपालको पहिलो महिला कायम मुकायम मुख्य सचिव बन्न पुगेकी छिन् । कानुनमा पोख्त गड्तौला नेतृत्व क्षमतामा अब्बल सचिवका रूपमा चिनिन्छिन् ।गड्तौला आउँदो भदौ १४ गते उमेर हदका कारण अनिवार्य अवकाशमा जाँदैछिन्।
