भ्रष्टाचार मुद्धामा उपसचिवसहित पाँच जनाले विशेष अदालतबाट सफाई पाएका छन् । गत बर्ष असोजमा अख्तियार दुरुपयोग अनुसन्धान आयोगले बाराको सिम्रौनगढ नगरपालिका ८ स्थित जनता माविको भवन निर्माणमा अनियमितता गरेको आरोपमा प्रमुख प्रशासकीय अधिकृतसहित आठ जनाविरुद्ध भ्रष्टाचार मुद्धा चलाएको थियो ।
बिज्ञापन
उनीहरूविरुद्ध जनही ६ लाख ५८ हजार ४ सय ४० रुपैयाँ १६ पैसा बिगो दाबी गर्दै अख्तियारले विशेषमा मुद्धा दायर गरेको थियो ।
बिज्ञापन
अख्तियारले प्राविधिकले तयार गरेको मूल्यांकन र भुक्तानीका लागि स्वीकृत भएको टिप्पणीमा उल्लेख भएभन्दा बढी रकम उपभोक्ता समितिलाई भुक्तानी गरेको आरोप सहित सिम्रौनगढ नगरपालिकाका तत्कालीन प्रमुख प्रशासकीय अधिकृत विश्वराज मरासेनी, लेखा अधिकृत सर्मेन्द्र प्रसाद चौधरी, जनता माविको भवन निर्माण समितिका अध्यक्ष रामबाबु प्रसाद यादव, सचिव रामाकान्त प्रसाद र कोषाध्यक्ष किरण देवी यादवलाई समेत अख्तियारले प्रतिवादी बनाएर मुद्धा चलाएको थियो ।
९ महिनापछि सोमबार बिशेष अदालतबाट पाँचै जनाले उक्त मुद्धामा सफाइ पाएका हुन ।
बिज्ञापन
