पहिरोले घर पुरिँदा ज्यान गुमाएकी कास्कीको मादी ५ की आयुश्मा रानाभाटको परिवारलाई जिल्ला प्रशासन कार्यालय कास्कीले राहत हस्तान्तरण गरेको छ । प्रमुख जिल्ला अधिकारी भरतमणी पाण्डे नेतृत्वको टोली घटनास्थलमै पुगी बिहीबार जिल्ला विपद व्यवस्थापन कोषबाट २ लाख रुपैयाँ हस्तान्तरण गरेको हो । नेपाल सरकारको विपद्का घटनामा परी मृत्यु भएका व्यक्तिलाई राहत उपलब्ध गराउने सम्बन्धी मापदण्ड, २०७७ बमोजिमको रकम हस्तान्तरण गरिएको प्रजिअ पाण्डेले बताए ।
बिज्ञापन
मंगलबार राति पहिरोेले घर पुरिँदा १३ वर्षे आयुश्माको घटनास्थलमै निधन भएको थियो । सँगै सुतेकी हजुरआमा ७० वर्षे लालमाया बञ्जारको भने सकुशल उद्धार गरिएको थियो ।अनमोलकी आमा रितु सुनारको गण्डकी मेडिकल कलेजको आइसियुमा उपचार भइरहेको छ ।
बिज्ञापन
मंगलबार राति नै पोखरा महानगरपालिका– २७ आरुपाटा निवासी हरि सुनारको कच्ची घरको पछाडिबाट माटोको ढिस्को खस्दा ३ वर्षे अनमोल सुनारको निधन भएको छ । उनको परिवारबाट कागजात आउनेवित्तिकै राहत उपलब्ध गराइने प्रजिले पाण्डेले बताए । उनले भने, ‘सुनारको डकुमेन्ट आउनै बाँकी छ, आउनेबित्तिकै सम्बन्धित परिवारलाई रकम उपलब्ध गराउँछौं ।’
बिज्ञापन
