प्रहरीले लालीगुराँस बहुउद्देश्यीय सहकारी संस्था लिमिटेडका सीइओ सुरेन्द्र भण्डारीलाई पक्राउ गरेको छ । ललितपुरको पुल्चोकमा रहेको श्री लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत सीइओ रहेका भण्डारीलाई बचतकर्ताको ६ अर्बभन्दा बढी अपचलन गरेको आरोपमा उपत्यका अपराध अनुसन्धान कार्यालय मिनभवनको विशेष टोलीले उनलाई पक्राउ गरेको हो ।
बिज्ञापन
सहकारीलाई भूमि व्यवस्था, सहकारी तथा गरिबी निवारण मन्त्रालयले २९ फागुन २०८० मा समस्याग्रस्त सहकारी घोषणा गरेको थियो । उक्त सहकारीले बचतकर्ताको १० अर्ब भन्दा बढि ठगेको अभियोग छ ।
बिज्ञापन
भण्डारीले विभिन्न व्यक्तिको किर्ते हस्ताक्षर गर्ने र खाताबाटै पैसा गायब गराउने गरेका थिए । सहकारीको रकम हिनामिनाको विषयमा १ सय ९९ बचतकर्ताहरुले सहकारी विभागमा उजुरी दिएका थिए । सहकारीको ६ अर्बभन्दा बढी रकम अपचलन गरेको आरोपमा उनीबिरुद्ध ललितपुर जिल्ला अदालतबाट पक्राउ पुर्जी जारी भएको थियो ।
उनलाई अनुुसन्धानका लागि आईतबार म्याद थपका लागि अदालत लैजाने तयारी रहेको छ । भन्डारी नेपाली कांग्रेस सहकारी विभागका पूर्व सचिब हुन् ।
बिज्ञापन
