कीर्ते काण्डमा जोडिएका वडा सचिव पक्राउ परेका छन् । उनलाई कीर्ते प्रकरणमा जिल्ला प्रहरी कार्यालय रसुवाले पक्राउ गरेको हो । जिल्ला प्रहरी कार्यालयले गोसाइकुण्ड गाउँपालिका २ नम्बर वडाका सचिव वाङदी तमाङलाई प्रहरीले आज रसुवाबाटै पक्राउ गरेको हो ।
बिज्ञापन
सरकारी राजश्व आफ्नै व्यक्तिगत खातामा दाखिला गर्नेदेखि जनप्रतिनिधिको सिग्नेचर कीर्ते गरेर बदमासी गर्दै आएका वडा सचिव वाङदी तमाङलाई प्रहरीले पक्राउ गरेको हो । उनको बदमासीबारे छानबिन गर्नका लागि रसुवा जिल्लाका साहयक प्रमुख जिल्ला अधिकारी लोकेन्द्र ज्ञवाली र कोष तथा लेखा नियन्त्रक कार्यालयका अधिकृत रहेको छानबिन समिति बनेको थियो । उक्त समितिले एक चरणको अनुसन्धान गर्दा कैफियत देखिएसँगै थप अनुसन्धानका लागि अख्तियार दुरुपयोग अनुसन्धान आयोगमा पठाइएकोमा आज बल्ल पक्राउ परेका हुन ।
बिज्ञापन
वाङदी दुई दशकभन्दा लामो समयदेखि एउटै वडामा सचिवका रुपमा कार्यरत थिए । उनी गोसाइकुण्ड गाउँपालिका टिमुरेका स्थानीय बासी समेत हुन । उनी सदरमुकाम धुञ्चेसँगै रहेको गोसाइकुण्ड गाउँपालिका वडा नम्बर २ का वडा सचिवको जिम्मेवारीमा थिए । नक्कली रसिद काटेर २ लाख ६४ हजार रकम आफ्नो व्यक्तिगत खातामा दाखिला गराएएसँगै वडा अध्यक्षले प्रहरी प्रशासन र जिल्ला प्रशासनमा प्रमाणसहित उजुरी दिएका थिए । सोही प्रकरणमा जिल्ला प्रशासन कार्यालयका साहायक प्रमुख जिल्ला अधिकारी संयोजकत्वको टोलीले वडा सचिवको कैफियत देखिएकाले थप छानबिन र कारवाही प्रक्रिया अगाडि बढाउनका लागि फाइल अख्तियार दुरुपयोग अनुसन्धान आयोगमा पठाइएकोमा ९ महिना पछि आज बल्ल पक्राउ परेका हुन ।
,नक्कली भौचर बनाएर सरकारी राजश्व अपचलन गरी व्यक्तिगत खातामा दाखिला गराउँदै आएका वडा सचिव तामाङले गत बर्ष साउन २४ गते ( चलानी नम्बर ३९१) आफ्नो नाममा दर्ता श्रेष्ता भएको रसुवा जिल्ला टिमुरे वडा नम्बर ८ र किता नम्बर १२९ को क्षेत्रफल १–१२–२–० को जग्गा राजीनामा पास गराउँदा अध्यक्षको कीर्ते हस्ताक्षर समेत गरेको भेटिएको थियो । उनले गरेको कीर्तेविरुद्ध उजुरी समेत जिल्ला प्रहरी कार्यालय,रसुवामा उजुरी दिएका थिए वडा अध्यक्षले ।
बिज्ञापन
यो प्रकरण सार्वजनिक भएसँगै उनलाई बचाउनका लागि जिल्लाका एकाथरी नेताहरु नै सक्रिय रहेको थिए । कीर्ते र राजश्व हिनामिना लगायतका अपराध गरी आर्जित रकम माथिल्ला तहसम्मका जिल्ला नेताहरुलाई पुर्याउने कर्म समेत गर्दै आएका कारण उनलाई जोगाउन रसुवाकै केही नेताहरु हात धोएर लागिपरेको जिल्लाकै नेताहरुको आरोप छ । राजश्व हिनामिना प्रकरणमा मुछिए पछि गत बर्ष नै छानबिनका लागि फाइल थप अध्ययन र छानबिनका लागि भन्दै अख्तियारमा पठाइएकोमा यो बिषयमा अख्तियारले छानबिन गरिरहेको छ ।
