सरकारले आठ देशका राजदूत सिफारिस गरेको छ । बिहीबार बसेको मन्त्रिपरिषदको बैठकले रिक्त रहेका आठवटा देशका राजदूत सिफारिस गर्दा २ जना पूर्व प्रशासक र तीन जना एनजीओकर्मी परेका छन् । जसमा एमालेका ५, जनता समाजवादी पार्टी (जसपा)का २ र माओवादी केन्द्रबाट १ जना छन्।
बिज्ञापन
पूर्वमुख्य सचिव लोकदर्शन रेग्मी भारतका लागि राजदूत नियुक्त भएका छन् । रेग्मी अवकाशको २२ दिनअघि राजीनामा दिएर सो वापत बेलायतको राजदूत भएका थिए । सेटिङमै राजीनामा दिन लगाएर त्यस पछि शंकरदास बैरागीलाई मुख्यसचिवमा नियुक्त गरिएको थियो । पछि तिनै वैरागीका लागि नयाँ पद श्रृजना गरी काण्ड काण्डमा मुछिएका बैकुण्ठ अर्याललाई मुख्यसचिव बनाइएको छ । यस अघि रेग्मीले आफु मुख्यसचिव हुन जालझेल गरेका थिए । तत्कालिन मुख्यसचिव सोमलाल सुवेदीलाई आफ्नो अनुकुल हुने गरी राजिनामा दिन लगाई राजेन्द्रकिशोर क्षेत्रीलाई तीन महिनाका लागि मुख्यसचिव बनाइएको थियो ।
बिज्ञापन
त्यस समयमा सेटिङ नगरिएको भए तमाङ समुदायबाट धनबहादुर तमाङ नेपालको पहिलो मुख्यसचिव बन्ने थिए । तर आफ्ना प्रतिस्पर्धीलाई पाखा लगाई रेग्मी मुख्यसचिव भएका थिए । निजामती प्रशासनको मुख्यसचिव पदबाट रेग्मी सहसचिव पदस्थापन हुने बेलायतको राजदूत पदमा नियुक्त भएका थिए । पछि काँग्रेस माओवादीको सरकार हुँदा फिर्ता बोलाइएका रेग्मीलाई एमाले र माओवादीको गठबन्धन सरकारले राजदूत बनाएर भारत पठाउन लागिएको छ ।
त्यस्तै, मुख्य सचिव बन्ने लाइनमा रहेर पनि अवसर नपाएका चन्द्र घिमिरेलाई अमेरिकाका राजदुत बनाइएको छ । नियमित प्रक्रिया नमिचिएको भए घिमिरे मुख्यसचिव बन्ने थिए । प्रक्रिया मिचेर शंकरदास वैरागीलाई सचिव बनाइएसँगै उनले ७७ पुस २९ मा सचिव पदबाट राजीनामा दिएका थिए । लोक दर्शन रेग्मीलाई समय अवधि बाँकी हुँदै राजीनामा गर्न लगाएर शंकरदास बैरागीलाई मुख्यसचिव बनाइएको थियो । राजीनामा दिए पछि रेग्मीलाई बेलायतका लागि राजदूत नियुक्ति गरिएको थियो । यस्तै एनजीओकर्मी सुशील प्याकुरेललाई दक्षिण कोरिया, सुम्निमा तुलाधर डेनमार्क, डा विजय पन्त बेलायत, पुष्पराज रन्जितकार स्पेन, नेत्रप्रसाद तिमल्सिना मलेसिया र अबुसुफ्यान खान मुसलमान साउदी अरबका लागि राजदूत नियुक्त गरिएको हो ।
प्याकुरेल इन्सेकका संस्थापक अध्यक्ष हुन । उनी विद्यादेवी भण्डारी राष्ट्रपति हुँदा सल्लाहकार भएर समेत काम गरिसकेका छन् । यस्तै डा नेत्र
गैर सरकारी संस्था महासंघ नेपालका पूर्वअध्यक्ष हुन । उनले नेपाल रेडक्रस सोसाइटीको अध्यक्ष चलाइसकेका छन् भने अर्काे एनजीओ सिविनका कार्यकारी निर्देशक सुम्निमा तुलाधर डेनमार्कका लागि राजदूतमा सिफारिस भएकी छिन् । उनी पद्यमरत्न तुलाधरकी छोरी हुन ।
बिज्ञापन
सरकारले गत जेठ २४ गते काँग्रेसी कोटाबाट नियुक्त भएका ११ देशको राजदूत फिर्ता बोलाएको थियो । भारत, अमेरिका, बेलायत, साउदी अरेबिया, दक्षिण कोरिया, मलेसिया, स्पेन, डेनमार्क, इजरायल, कतार र पोर्चुगल गरी ११ देशको राजदूत फिर्ता बोलाएर ती ठाउँमा एमाले माओवादी गठबन्धनबाट नयाँ राजदूत नियुक्ति सिफारिस गरिएको हो ।
