यस अघि विवाद र फण्डामा मुछिएका कर्मचारीलाई थन्काइने ठाउँ थियो संघीय मामिला तथा सामान्य प्रशासन मन्त्रालयको अतिरिक्त समूह तर पावर र पहुँच भएका कर्मचारीहरु बदनामीमा मुछिए पनि उनीहरु सामान्य प्रशासन होइन,प्रधानमन्त्री तथा मन्त्रिपरिषद् कार्यालयकै अतिरिक्त समूहमा हाजिर गर्दै आएका छन् ।जहाँ बस्यो सोही कार्यालयमा विवाद र बदनामीमा मुछिएका एक हाकिमलाई अहिले प्रधानमन्त्री तथा मन्त्रिपरिषद्को कार्यालयमा जगेडामा थन्काइएको छ ।
बिज्ञापन
यसरी प्रधानमन्त्री तथा मन्त्रिपरिषद्को कार्यालयमा थन्काइएका सहसचिव हुन पुष्पराज शाही । शाही जुन समयमा अध्यागनको हाकिम थिए सोही समयमा हो सबैभन्दा बढी भिजिट भिसाको नाममा मानव बेचबिखन र तस्करीको धन्दा फस्टाएको बताइन्छ । २०७८ सालमा विमानस्थलमा प्रमुख अध्यागमन अधिकृत भएर आएका उनको मानव तस्करी र बेचबिखनमा संलग्नहरुसँग सम्पर्क रहेको गाइँगुईं अध्यागमनमा नचलेको पनि होइन् । उनी सरुवा भएर त्यहाँबाट अन्तै गएपनि यो गैरकानुनी काममा भने रोक लागेन,झनै फष्टायो । ‘भिजिट भिसाका नाममा सर्वसाधारणलाई विदेश पठाइएको र मानव तस्करी गरेको आरोपमा केही कर्मचारी पक्राउ परे । माथिसम्म च्यानल मिलाउन सक्षम आधा दर्जन अधिकृतहरु अदालतमा जनही लाख लाख धरौटी बुझाएर अहिले पूर्ववत जिम्मेवारीमा फर्किएका छन् । मानव तस्करसँग सेटिङ मिलाएर भएको भनिएको उक्त दुरुपयोगमा शाही भने छानविनको दायरामै परेनन् ।
बिज्ञापन
उनै शाही पछि कमाउ अड्डाको रुपमा परिचित सम्पत्ति शुद्धीकरण अनुसन्धान विभागको हाकिम बनेर गए तर त्यहाँ हुँदा सिन्को भाचेनन् । १० महिनामा १० वटा मुद्धा पनि लानज नसक्नुको पछाडि उनको सेटिङ नै मुख्य कारण हो भन्दैछन्,त्यहँँका कर्मचारीहरु । शाहीले सम्पत्ति शुद्धीकरणम बस्दा शक्तिको दुरुपयोग गर्दै व्यापारी,व्यवसायीदेखि कर्मचारीसमेतलाई अनाहक दुःख दिने गरेको गुनासो आउन थालेपछि उनलाई अहिले प्रधानमन्त्री कार्यालयमा थन्काइएको छ । त्यहाँ अहिले कमल भट्टराई हाजिर भएका छन् ।
शाहीले कुर्सीमा रहँदा दर्जनौं व्यापारी,कर्मचारीलाई आतङ्कित पारेर गैरकानुनी तवरबाट आर्जित रकमले बाख्रा फर्म, ओखरको व्यापारमा लगानी गरिरहेको कर्मचारीहरु बताउँछन् । उनी जस्तै एक इस्टिच्यूडमा लोकसेवा तयारी कक्षा पढाउँदा छात्रामाथि जाइलाग्ने कर्मचारीलाई समेत अहिले प्रधानमन्त्री कार्यालयमै जगेडामा थन्काइएको छ ।
बिज्ञापन
