सम्पत्तिवालालाई तर्साउने र जे जति झर्दछ बाँढीचुढी खाने काम गर्दै आएको आरोप लागेका सहसचिव पुष्प शाही सरुवामा परेका छन् ।
बिज्ञापन
प्रधानमन्त्री तथा मन्त्रिपरिषद् कार्यालय स्रोतका अनुसार महानिर्देशक पुष्पराज शाहीको कार्यसम्पादन ‘कमजोर’ रहेको र आफ्ना विरोधी तह लगाउने हतियार विभागलाई बनाएको गुनासो उद्यमी तथा व्यपारीहरुले प्रधानमन्त्रीसँग गर्न थालेपछि उनलाई त्यहाँबाट हटाएर हालैमात्र प्रधानमन्त्री कार्यालयमा भित्रिएका कमल भट्टराईलाई महानिर्देशक बनाएर पठाइएको हो । भट्टराईले आजै पदभार सम्हाल्दै छन् ।
बिज्ञापन
उसो त पुष्पको विगत नै बदमासीमा मुछिएको छ । भिजिट भिषाको आवरणमा मानव तस्करी धन्दामा बिटुलिएका पात्र हुन उनी । जतिखेर उनी त्रिभुवन विमानस्थल अध्यागमनका प्रमुख थिए त्यही समयमा नै भिजिट भिषाको आवरणमा मानव तस्करी धन्दा मौलाएको कर्मचारीहरु बताउँछन् । यही प्रकरणमा केही पक्राउ परे । केहीविरुद्ध अदालतमा मुद्दा चल्यो । मुद्धा चलेकाहरु जनही सात लाख धरौटी बुझाएर पूर्ववत जिम्मेवारीमा फर्किसकेका छन् । तर मानव तस्करीका नाइकेहरु भने उम्किएका छन् । अध्यागमनमा एकसय ४० जना कर्मचारी कार्यरत छन् । जसमध्ये झण्डै एक दर्जनको मानव तस्करी चलाउने ट्राभल एजेन्सीसँग सम्पर्क हुने गरेको थियो । विमानस्थलबाट हुने अवैध धन्दाको नेतृत्व तत्कालीन प्रमुख अध्यागमन अधिकृत पुष्पराज शाहीले गर्दै आएको गृहका कर्मचारीहरुले बताउँछन् । भिजिट भिसा प्रकरणमै डामिएका समयमा उनी एकाएक हराए । यही प्रकरणमा उनलाई बयान लिएर छाडिएको बताइन्छ ।
२०७८ सालमा विमानस्थलमा प्रमुख अध्यागमन अधिकृत भएर आएका उनको मानव तस्करी र बेचबिखनमा संलग्नहरुसँग सम्पर्क रहेको गाइँगुईं अध्यागमनमा नचलेको पनि होइन् । उनी त्यहाँबाट सरुवा भएर लमजुङ्ग पुगे । त्यहाँ रहँदा भिजिट भिसा काण्ड लागेर जगेडामा तानिए तर सेटिङ्ग कलामा पारंगत भएका उनी सम्पत्ति शुद्धीकरण विभागमा पुगे । काम सिन्को भाच्न सकेनन् । वर्षमा ११ करोडभन्दा बढी बजेट पाउँछ तर त्यहाँबाट विशेष अदालतमा १० वटा मुद्धा पनि लैजादैन । मुद्धा लैजान नसक्नुका कारण सेटिङ्ग नै प्रमुख कारण हो भनिन्छ । स्रोत नखुलेका सम्पत्तिवाललाई तर्सायो, त्यसबापत जेजति झर्छ, त्यो बाँडचुड गरी अर्को पोष्टिङमा जान हतारो हुन । त्यहाँका अर्काे रैथाने अधिकृतविरुद्धको उजुरी पनि प्रधानमन्त्री कार्यालयमा पुगेको छ ।
बिज्ञापन
