बढुवा सिफारिस समितिले गरेको बदमासीलाई लोकसेवा आयोगले उल्टाएको छ । गत चैत्र महिनामा उर्जा मन्त्रालयलयका १० अधिकृत बढुवा सिफारिस गरिँदा कनिष्ठ कर्मचारीलाई अधिकृतमा बढुवा गरिएको थियो । जेष्ठ कर्मचारीको नाम काटेर कनिष्ठ कर्मचारीको बढुवा गरिएसँगै ती कर्मचारी न्याय खोज्दै लोकसेवाको ढोका ढकढकाउन पुगेका थिए । लोकसेवा आगोगको समितिले उर्जा मनत्रलयको बढुवा सिफारिस समितिले गरेको बदमासीलाई उल्टाइदिएको हो ।
बिज्ञापन
गत ९ चैत्रमा उर्जा मन्त्रालयको बढुवा सिफारिस समितिले अधिकृत तहमा कर्मचारी बढुवा गर्दा जेष्ठ कर्मचारीको नाम काटेर उनीभन्दा कनिष्ट कर्मचारी बढुवा गरेको थियो छ । उर्जा मन्त्रालय,इञ्जिनियरिङ सेवा,सिभिल समूह,इरिगेसन उपसमूहबाट १० जना नायब सुव्वा तहका कर्मचारीलाई अधिकृतमा बढुवा गर्दा यस्तो गडबडी भएको खबर कर्मचारी प्रेसले प्रकाशन गरेको थियो ।
बिज्ञापन
बढुवा सिफारिस समितिको हिजो बसेको बैठकले उर्जा मन्त्रालय मातहतका १२ कर्मचारीहरुलाई अधिकृत तहमा बढूवाका लागि सिफारिस गरेको थियो । जेष्ठता र कार्यसम्पादन मूल्यांकनका आधारमा हुने बढुवाका लागि नेपाल इञ्जिनियरिङ सेवा,सिभिल समूह,इरिगेसन उपसमूहबाट नरेश माझी,जयराज भण्डारी,राजेश्वरी कुवर,कर्णबहादुर रोकाया,तारा कम्डेल,विमला बूढाथोकी,मिलन भट्टराई,बिरेन्द्र कुमार महतो,रामचन्द्र नेपाल र अमरेन्द्र कुमार मण्डलको बढुवा सिफारिस गरिएको छ । जसमा अन्तिम १० नम्बरमा रहेका अमेरेन्द्र कुमार मण्डलको बढुवा गर्दा जेष्ठ कर्मचारीको नाम काटेर कनिष्ट कर्मचारीलाई बढुवा सिफारिस गरिएको बिषयमा कर्मचारी प्रेसले समाचार प्रकाशन गरेको थियो ।
शुरुको खुला नियुक्तिलाई आधार मान्ने हो भने उनीभन्दा सिनियर छन्,साजन लावट । लावटले ०६८ साल कार्तिक २९ गते नियुक्ति लिएका छन् भने अरबिन्द्रले मंसिरको १ गते नियुक्ति लिएका थिए । तर जेष्ठताका आधारमा गरिएको बढुवामा बढुवा सिफारिस समितिले साजनको नाम काटेर अरबिन्द्रलाई बढुका लागि सिफारिस गरेपछि अन्यायमा परेका लावट उजुरी बोकेर लोकसेवा आयोगमा पुगेका थिए ।
बिज्ञापन
दुबैको हाजिरी मिति एउटै भए पनि शुरुको नियुक्ति मिति साजनको अगाडि देखिएको थियो । लोकसेवा आयोगका सदस्य अध्यक्ष ,उर्जा मन्त्रालयका सहसचिव सदस्य र संघीय मामिला तथा सामान्य प्रशासन कर्मचारी सम्मिलित तीन सदस्यीय समितिले गरेको बढुवा सिफारिसमा यस्तो बदमासी गरेको थियो । बढुवा सिफारिस हुँदा गडबडी भएमा ३५ दिनभित्र लोकसेवा आयोगमा उजुरी दिनसक्ने प्रावधान छ । सोही प्रावधानमा टेकेर उनले लोकसेवा आयोगमा उजुरी दिएका थिए । आयोगले बढुवा सिफारिस समितिको निर्णय उल्टाएर लावटलाई नै बढुवा गर्न भनेको छ ।
