चिनियाँ अटो निर्माता कम्पनी बीवाईडीले युरोपमा आफ्नो दोस्रो कारखाना स्थापना गर्ने भएको छ । कम्पनीका प्रबन्ध निर्देशक माइकल सुले सन् २०२५ भित्र युरोपमा दोस्रो एसेम्बली कारखाना स्थापना गरिने बताएका हुन् ।
बिज्ञापन
एफटी फ्युचर कार कन्र्फेन्समा बोल्दै माइकलले युरोपमा चिनियाँ सिगल मोडलमा आधारित न्यून मूल्य भएका ईभी कार ल्याउने तयारी भईरहेको बताए । चीनमा १० हजार डलरभन्दा कम मूल्य पर्ने सिगलको युरोपेली भर्जन युरोपमा २० हजार युरोभन्दा कम मूल्यमा उपलब्ध हुने माइकलले बताए ।
बिज्ञापन
यस्तै उनले बीवाईडीले सन् २०३० सम्म युरोपको अग्रेणी ईभी निर्माता बन्ने लक्ष्य लिएको बताए । कम्पनीले गत डिसेम्बरमा हंगेरीमा कारखाना स्थापना गर्दै युरोपमा उत्पादन केन्द्र भएको चीनकै पहिलो अटो निर्माता बन्ने उल्लेख गरेको थियो ।
बिज्ञापन
