क्यान्सर लाग्नु भनेको जीवनको तत्काल अन्त्य हो भनेर बुझ्ने धेरै नै छन्। तर, यो सोचाइ गलत हो। समयमा उपचार भए क्यान्सर पूर्ण निको हुन्छ।
बिज्ञापन
गायिका देविका बन्दना,लेखक/पत्रकार अमृता लम्साल,नायिका मनिषा कोइरालाजस्ता केही आत्मविश्वासीहरु छन्,जस्ले प्राणघातक क्यान्सर रोगलाई परास्त गर्न सफल भएका छन् । क्यान्सर रोग केही होइन, समयमै अस्पताल पुग्यौं,खानपिन,सोच,जीवन शैलीलाई केही परिवर्तन गरेको खण्डमा क्यान्सरलाई परास्त गर्न सकिन्छ भन्छिन्,डा कोपिला पोखरेल । आत्मविश्वासकी धनी कोपिलाले बर्ष दिनमै क्यान्सरलाई परास्त गरेर पुर्नजीवन पाएकी छिन् ।
बिज्ञापन
विद्यावारिधीको तयारी गरिरहँदा कोपिला क्यान्सरजस्तो प्राणघातक रोगबाट पीडित बनिन,तेस्रो स्टेजमा पुगिसकेकी थिइन उनी । क्यान्सरले समाउनु अगाडि कोपिलालाई लाग्थ्यो,’यसको उपचार छैन । क्यान्सर लागेपछि सकियो जीवन’ तर जब आफै क्यान्सरसँग जुध्न पुगिन । चिकित्सकहरुको परामर्श पछि बुझिन कि,क्यान्सरलाई जित्न सकिन्छ । त्यसका लागि चाहिन्छ आत्मबल,परिवारको सर्पोट । क्यान्सरको सबैभन्दा अचुक औषधि भनेको आत्मविश्वास अर्थात आफैंभित्र आउने अठोठ हो । म बाच्नुपर्दछ, मेरो जीवन अझैं लामो छ, बाँचेर यो समाज देशमा केही गर्नुछ भन्ने प्रण लिने र यस्को उपचार सम्भव छ,उपचारका लागि तयार हुनुपर्दछ । घर परिवारको सर्पोट,खानपिन ध्यान दिने,आफूले आफैंले सकरात्मक रुपमा मोटिभेट गर्ने हो भने क्यान्सरलाई परास्त गर्न सकिन्छ भन्ने कुरा बुझिन । नेपाली समाजले क्यान्सर पीडितलाई हेर्ने दृष्ट्रिकोणकै कारण होला,यो रोगलाई लुकाउनेहरु धेरै भेटिन । जब कोपिलालाई क्यान्सरले समायो । त्यही पछि उनका सर्कलका आठ जना साथीहरु भेटिए,म पनि क्यान्सर पीडित हुँ भन्ने ।
विशेष गरी क्यान्सर रोगले समाएपछि अर्थात उपचारको क्रममा किमो लगाइ सके पछि खानपिनमा विशेष ध्यान दिनुपर्दछ । क्यान्सरसँग लड्नका लागि हाइ प्रोटिन,हरियो सागसब्जी,नरिवल पानी,किबी, ड्रागन फुड,मेवा दैनिक रुपमा खाँदा राम्रो हुन्छ भन्छिन्,उनी । यीनले क्यान्सरसँग लड्न सक्ने इम्युनिटी पावर बढाउँछन् ।’ स्वाद होस वा नहोस । मैले यी खाने कुरा खाएरै क्यान्सर जित्ने हो र जित्नै पर्दछ भनेर मानसिक रुपमा तयार रहे । चार महिनासम्म दैनिक दुई वटा नरिवल,दुई वटा किबी, एउटा ड्रागन फुट,आधा मेवा ,दुई वटा नरिवल खाइरहे । स्वादका रुपमा नलिइ शरिरका लागि चाहिने इनर्जीका रुपमा लिए । त्यसबाट क्यान्सरसँग लड्ने इम्युनिटी पावर तयार भयो ।’कोपिलाले आफ्नो अनुभव साटिन ।
बिज्ञापन
‘जब मलाई क्यान्सर देखियो । धेरै जनालाई अब कोपिला मर्छे भन्ने नै थियो । कति त भेट्न आएनन्,फोन गरेनन् । कतिपय जीवन र मृत्युको अन्तिम समयमा भएको व्यक्तिभैं ठानेर भेट्न आए ।’ अहिले पनि नेपाली समाजमा क्यान्सर रोग भयाभहको रुपमा देखिँदै छ । प्रत्येक २० महिलामध्ये एक जनामा १ जनामा स्तन क्यान्सरका शिकार हुँदै छन् । १० प्रतिशत मात्र वंशाणुगत बाँकी खानपिन र तनावका कारण निम्तने रहेछ स्तन क्यान्सर । सबैभन्दा धेरै तनावको जीवन जिउने र खानपिनका कारण क्यान्सर हुन्छ ।
कोपिला क्यान्सर रोगलाई परास्त गरेसँगै नेपाली समाजमा क्यान्सर रोगका बारेमा जनचेतना जगाउने अभियानमा छिन् । यी तिनै महिला हुन,जस्ले सामाजिक संस्थाका माध्यमबाट द्धन्दपीडित ३ सयभन्दा बढी बालबालिकाहरुलाई शिक्षादिक्षा दिएकी छिन् । उनैले शिक्षा दिक्षा दिएका र उनका चौतारीमा हुर्किएका मध्ये ३० जना अहिले सरकारी सेवामा अधिकृत तहमा कार्यरत छन् ।
कोपिलाकै संस्थाले अहिलेसम्म ३ हजारभन्दा बढीलाई स्वरोजगारमुलक तालिम समेत दिएको छ । कोपिलाको सामाजिक कर्ममाथि निर्माण गरिएको वृत्तचित्रले विभिन्न ४ वटा अन्तरािष्ट्रय अवार्ड समेत हात पार्न सफल भएको छ । २०१३ मै ५० हजार राशीको पिस अवार्ड हात पारेकी उनले हालैमात्र ग्लोबल अवार्डबाट सम्मानित भएकी छिन् । ६० सालदेखि नै कोपिला ग्रामीण महिला तथा बाल स्वास्थ्य नामक संस्था स्थापना गरेर सामाजिक सेवामा सक्रिय रहँदै आएकी छिन् ।
