जागिरे जीवनका २३ बर्षसम्म अर्थमा बसेर अवकाशमा गएका रअकुत आर्जनको मुद्धा खेपिरहेका पूर्व नासु रघुनाथ घिमिरेले भ्रष्टाचार मुद्धामा सफाइ पाएका छन् । जनार्दन शर्मा अर्थमन्त्री हुँदा बजेट निर्माण अनधिकृत रूपमा करका दर हेरफेरमा मुछिएका पूर्वनासु रघुनाथ घिमिरेलाई विशेष अदालतले क्लिन चिट दिएको हो । २०७९ जेठ १४ को मध्यराति अर्थ मन्त्रालय पुगेर मन्त्री र बिचौलियार र व्यापारीको स्वार्थअनुसार बजेटमा कैंची चलाएको आरोप थियो उनीमाथि । तत्कालीन अर्थमन्त्री शर्मा, अर्थ सचिव मधु मरासिनीहरुले उनलाई जोगाउँदै आएका थिए ।
बिज्ञापन
उनै घिमिरेविरुद्ध अख्तियार दुरुपयोग अनुसन्धान आयोग ७९ चैत्र २० मा रघुलाई प्रतिवादी बनाएर भ्रष्टाचार मुद्धा दायर गरेको थियो । २०५२ कात्तिक २८ देखि सार्वजनिक सेवमा प्रवेश गरेका घिमिरेसँग अवैद्य सवा २ करोड रुपैंया मागदावी गर्दै अख्तियार विशेषमा पुगेकोमा १३ महिनापछि विशेष अदालतले उनलाइ सफाइ दिएको हो । अर्घाखाँचीको भूमिकास्थान नगरपालिका–९० स्थायी बासिन्दा हुन । हाल कलंकीमा बस्दै आएका उनी ०५२ कात्तिक २८ मा नेपाल औद्योगिक विकास निगमको मासिक ज्यालादारीमा ‘जुनियर अफिस असिस्टेन्ट’ बाट सरकारी सेवामा पाइला राखेका थिए । ०५३ जेठ २ मा खरिदार पदमा स्थायी नियुक्ति पाएका उनी जिल्ला विकास समितिको कार्यालय नुवाकोट(गाविस सचिव) भएर १० महिना काम गरे । त्यस यता अर्थ मन्त्रालय मातहत रहेर काम गरेको भेटिन्छ ।
बिज्ञापन
आन्तरिक राजस्व विभाग लाजिम्पाट, त्रिभुवन अन्तर्राष्ट्रिय विमानस्थल भन्सार कार्यालय, कञ्चनपुर भन्सार कार्यालय, राजस्व अनुसन्धान विभाग हरिहर भवन हुँदै पछिल्लो पटक भन्सार विभागमा रहेका उनले २०७५ साउन १ देखि लागू हुने गरी राजीनामा दिएका थिए । उनले श्रीमतीका नाममा १४ वटा कम्पनी स्थापना गरेको र सवा २ करोडको स्रोत नखुलेको भन्दै अख्तियारले उनलाई प्रतिवादी बनाएर मुद्धा चलाएको थियो । उनका नाममा काठमाडौं फर्पिङमा एक रोपनीभन्दा बढी जग्गा,०७८ कात्तिकसम्म काठमाडौंमा चार ठाउँ र रूपन्देहीको आनन्दवनमा जग्गा किनेको मालपोतको विवरणबाट भेटिन्छ भने काठमाडौंको कलंकीमा घर बनाएका छन् । जसको वैध स्रोत पुष्टि हुँदैन । यो अवधिमा रूपन्देही र काठमाडौंका तीन ठाउँमा जग्गा बिक्री गरेको भेटिएको भन्दै अख्तियार विशेष अदालतमा पुगेकोमा विशेषले गैरकानुनी सम्पत्ति आर्जनको अभियोगमा रघुनाथ र उनकी श्रीमती शारदा गौतमलाई समेत सफाइ दिएको छ ।
बिज्ञापन
