जुन कार्यालयमा प्रमुख भएर बस्यो त्यही मदिरा सेवन गर्ने र अनैतिक हर्कतहरु गर्दै आएका एक डिएसपीलाई गृह मन्त्रालयले कारवाही गरेको छ ।
बिज्ञापन
गृहका कारवाहीमा परेका डिएसपी हुन भीमलाल भट्टराई । उनी हुम्लाको प्रहरी प्रमुख हुँदा रक्सी पिएर महिलामाथि दुर्व्यवहार गरेको उजुरीपछि उनलाई गृह मन्त्रालयले कारवाही गरेको हो । । यसअघि २०७७ वैशाखमा समेत इलाका प्रहरी कार्यालय बुटवलमा हुँदा कार्यालयमै मदिरा सेवन गरेको र आदेश पालना नगरेको अभियोगमा डिएसपी भट्टराईको जिम्मेवारी खोसिएको थियो,उनको ।
बिज्ञापन
भट्टराई बुटबलको डिएसपी हुँदा समेत मातहतको निर्देशन नमानेको र मादक पदार्थ सेवन गरी ड्युटीमा खटिएको भेटाएपछि कारबाहीमा परेका थिए । मुख्यमन्त्रीको सवारीको बेला उपस्थित नभएको र बुझ्दा उनी मादक पदार्थ सेवन गरी बसेको खुलेको पछि त्यहाँबाट पनि जिम्मेवारी खोसिएको थियो । गृहले भट्टराइको पाँच ग्रेड रोक्का गरेको हो । छानविनको क्रममा उनी दोषी देखिएपछि पाँच ग्रेड रोक्का गरिएको गृह मन्त्रालयले जनाएको छ ।
यसअघि यस्तै घटनामा एसएसपी योगबहादुर पालले राजीनामा दिएका थिए ।
बिज्ञापन
