सशस्त्र प्रहरी बलले १६ लाखभन्दा बढीको सामान बरामद गरेको छ। सशस्त्र प्रहरी बल नेपाल नम्बर २७ गण हेडक्वाटर रुपन्देहीले आज ९:३० बजे १६ लाख ४ हजार ६२० बराबरको सामान बरामद गरेको हो
बिज्ञापन
रुपन्देही बुटवल उप-महानगरपालिका वडा नं. ९ ईट्टाभट्टीबाट सशस्त्र प्रहरी नायव उपरीक्षक शशीराम भारतीको कमाण्डमा खटिएको टोलीले लु २ च६६६४ नम्बरको छोटा हात्ती गाडीलाई शंका लागि चेकजाँच गर्ने क्रममा बिलबिजक नभएको अवस्थामा बरामद गरेको सशस्त्र प्रहरी बल नम्बर २७ का गणपति आनन्द थापा मगरले जनाए। उनका अनुसार लेडिज स्यान्डेल चप्पल ४५० जोर करिब २ लाख २१ हजार २२०, जेन्ट्स जुत्ता १४४ जोर करिब १ लाख ७६ हजार ४ सय, गाडीको टायर दुई थान ७ हजार र गाडी १२ लाख बराबरको सामानहरु सहित चालक समेत नियन्त्रणमा लिई आवश्यक कारवाहीको लागि भैरहवा भन्सार कार्यालय बेलहियामा बुझाईएको छ।
बिज्ञापन
बिज्ञापन
