तस्करी गरी नेपाल भित्रिएको एक टिपर सामान भैरहवा भन्सार कार्यालय बेलहियाले नियन्त्रणमा लिएको छ । निर्माण सामग्री बोक्ने टिपरमा राती चोरी तस्करी गरेर नेपाल भित्रीएको ३५ लाख बराबरको सामान बरामद गरेको हो ।
बिज्ञापन
भन्सार कार्यालय बेलैयाका अनुसार आइतबार बिहान ४ बजेतिर भन्सार चोरी तस्करी गरी नेपाल भित्रिएको सामान लोड गरिएको टिपर भैरहवा तर्फ आउँदै गरेको भन्ने सूचनाको आधारमा सामान सहित २ जनालाई नियन्त्रणमा लिएको हो । भन्सार कार्यालयका बेलहियाका अनुसार गौतमबुद्ध बिमास्थल नजिकै मौवा भन्ने स्थानमा रहेको सूचनाको आधारमा लु २ ख १२५३ नम्बरको टिपर र गाडीका चालक सन्दीप हरीजन सहचालक दिपक पथरकट्टालाई नियन्त्रणमा लिएको जनाएको छ ।
बिज्ञापन
भैरहवा भन्सार कार्यालयका प्रमुख नारद गौतमले त्यस क्षेत्रबाट केही दिन अघिदेखि टिप्परबाट भन्सार छलिका सामानको तस्करी भैरहेको सूचना प्राप्त भएको र पक्राउका लागि एक सातादेखि निरन्तर प्रयाश गर्दा पनि टिप्पर उम्किने गरेको बताए । ‘पक्राउ गर्ने एक सातादेखिको निरन्तर प्रयास बल्ल सार्थक भएको छ’, उनको भनाइ थियो ।
प्रमुख गौतमका अनुसार करिब ३ बजे चोरी तस्करी भएर नेपाल भित्रिएको तस्करीको सामान सहित टिपर रहेको भन्ने सूचनाको आधारमा गाडी र चालक सहचालकलाई नियन्त्रणमा लिन सफल भएको बताए । टिपरमा १५ लाख बराबरको हुका फेलेबर र कपडाका बिभिन्न आईटमहरू रहेको पाइएको छ ।उनका अनुसार, हुक्काको फ्लेबर महंगो छ र आयात गर्दा अन्तशुल्क समेत लाग्ने गर्छ । टिप्परलाई माथि भन्सार छलिका दृष्टिले चेकजाँच नहुने भएकाले तस्करीको सामान ढुवानी गर्नमा तस्करले टिप्परको प्रयोग गर्ने नयाँ जुक्ती प्रयोग गरेका हुन् । पक्राउ परेका चालक र सहचालकको बयानको आधारमा यस विषयमा थप छानबिन र अनुशन्धान जारी रहेको उनले जनाए ।
बिज्ञापन
व्यत्तिगत निर्माणका कार्यमा नदीजन्य सामाग्रीको ढुवानी, क्लिकंरको कच्चा पदार्थ चुन ढुंगाको ढुवानी, क्लिंकर, कोइला लगायतका सामानको ढुवानीमा रुपन्देहीमा दैनिक अनुमानित हजारको संख्यामा सयौं टिप्पर संचालनमा हुने गर्छन् । दैनिक ढुवानीमा प्रयोगमा आउने टिप्परलाई प्रयोगमा ल्याउन बेथरी आसपास क्षेत्रमा तस्करले भन्सार छलिका सामानको गोदाम बनाई दैनिक यसरी नै ढुवानी गरि गन्तब्यमा पुर्याउने गरेको हुनसक्ने अनुमान गरिएको छ ।
टिप्परको २० लाख र सामानको १५ लाख गरी ३५ लाख बराबरको सामान मूल्यांकन गरी भन्सार लगिएको प्रमुख गौतमले बताए । तस्करीको सामान कुन नाकाबाट नेपाल भित्रीएको भन्ने खुलेको छैन अनुसन्धान भैरहेकोछ ।
