बिल भुक्तानी सहजीकरणका लागि भन्दै एक लाख २० हजार लिने अधिकृत पक्राउ परेका छन् । । अख्तियार दुरुपयोग अनुसन्धान आयोगको टोलीले तटबन्ध निर्माण कार्यको पहिलो रनिङ्ग बिल भुक्तानीमा सहजीकरण गर्ने प्रयोजनार्थ सेवाग्राहीसँग १ लाख २० हजार घुस लिने अधिकृतलाई अख्तियारबाट खटेको टोलीले घुस रकमसहित रंगेहात पक्राउ गरेको हो ।
बिज्ञापन
राष्ट्रपति चुरे तराई मधेश संरक्षण विकास समिति कार्यक्रम कार्यान्वयन इकाई लम्की, कैलालीका जलाधार व्यवस्थापन अधिकृत प्रभात पालले तटबन्ध निर्माण कार्यको पहिलो रनिङ्ग बिल भुक्तानीमा सहजीकरण गर्ने प्रयोजनार्थ सेवाग्राहीसँग १ लाख २० हजार घुस मागेसँगै सेवाग्राहीले अख्तियारमा उजुरी गरेका थिए । उक्त उजुरीको आधारमा अख्तियारबाट खटिएको टोलीले पाललाई रंगेहात पक्राउ गरेको हो । अख्तियारले उनको साथबाट स्रोत नखुलेको केही रकम समेत बरामद भएको छ ।
बिज्ञापन
उजुरी परेपछि अख्तियार दुरुपयोग अनुसन्धान आयोगको बुटवल सम्पर्क कार्यालय, नेपालगन्जबाट खटिएको टोलीले उनलाई घुस लिइसकेको अवस्थामा नेपालगञ्ज उपमहानगरपालिका वडा नम्बर २ बाट बुधबार नियन्त्रणमा लिएको हो ।
बिज्ञापन
