विस २०६५ सालमा सुरूंग निर्माण काम आरम्भ गरेर १२ वर्ष भित्रै ०७७ सालमा नै पानी खुवाउन सफल मेलम्ची परियोजना जस्तो बृहत, जटिल र ठूलो नेपालका कुनै मेगा प्रोजेक्ट आजसम्म पाईदैन। १२ वर्ष अवधि प्रोजेक्टको ईतिहासमा त्यति लामो समय हैन, यो अभूतपूर्व ऐतिहासिक सफलता हो। मेलम्चीका बिरूद्धमा नकारात्मक दृष्टिकोणहरू पस्केर रम्नेहरूका कुरा सधै गलत थिए, तिनमा कुनै तुलनात्मक दृष्टिकोण रहेको छैन।

बिज्ञापन

नेपालको पूर्वाधार निर्माण ईतिहासको जानकारीबेगर मेलम्चीप्रति भ्रम सिर्जना हुदै आएको थियो र यसलाई नराम्रो प्रोजेक्टका रूपमा चित्रण गर्दै आएको हो। म चुनौती दिन्छु कुन अर्को सामान्य स्तरकै प्रोजेक्ट होला नेपालमा जो १२ वर्षमा सम्पन्न भएको होस्। चन्द्र समसेरका पालापछि मेलम्ची नै सबैभन्दा चॉडो सम्पन्न भएको ठूलो प्रोजेक्ट हो।