व्यक्ति एक पहिचान अनेक,इ गणेशराज वस्तीको विशेषता अव सरकारको सहसचिव (प्राविधिक) मा मात्र सीमित रहेन । जिम्मेवारीका हिसाबले प्रदेशका सचिव हुन वस्ती । दश– पाँचको जागिरे समयबाट बचेखुचेको समय साहित्य श्रृजनामा मात्र कलम चलाउँदैनन् । उनी लोकसेवा तयारी गरिरहेका विद्यार्थीदेखि, आन्तरिक बढूवाका लागि प्रतिष्प्रर्धामा उत्रने तयारी गरिरहेका कर्मचारीहरुलाई उपयोगी हुने लोकसेवा सहयोगी पुस्तक तयारीमा जुट्छन् । कहिले कविता कोर्दछन्,कहिले संष्मरण । ७१ सालदेखि हरेक बर्ष कुनै न कुनै कृति प्रकाशन गरिरहेका उनै वस्तीले ८० सालमा ‘गोरखा भूकम्प, पुनर्निर्माण र म’ कृति बजारमा ल्याए । वस्तिका हालसम्म एक दर्जन कृतिहरु बजारमा ल्याइसकेका छन् । जसमध्ये सिभिल इन्जिनियरिङसँग सम्बन्धित ७ थान पुस्तक बजारमा आइसकेका छन् । मनको आँधीमार्फत कविको रुपमा दर्ज भएका बस्तीको नियात्रा ०७५ सालमै बजारमा आइसकेको छ । आफ्नै जीवनका अनुभव, अनुभूति समेटेर संघर्ष (संस्मरण) निकाले,जहाँ स्कुले जीवनमै शिक्षक भएर अध्यापन गराउँदाका अनुभूति, आफूलाई पढाउने शिक्षकसँग आफू पनि शिक्षक हुँदा लागेको धक संस्मरणमा पोखे । ‘परेली तरेली’ कविताकृति पछि अर्काे संग्रह बजारमा ल्याएका हुन,उनले ।
बिज्ञापन
०७२ सालको भूकम्प पछि जिम्मेवारीको हिसाबले उनी आफैं पुर्ननिर्माण प्राधिकरणमा जोडिए । भूकम्पपछि पुनर्निर्माण कार्यमा सरकारी निकायको प्रतिनिधित्व गरेका इञ्जिनियर वस्तीले पुस्तकमा भूकम्पसम्बन्धी इतिहासलाई कोट्याएका छन् । प्रकृतिलाई उछिन्न वा जित्न सकिँदैन यस्लाई पछ्याउँने हो । भूकम्प मानवीय वशभन्दा बाहिरको बिषय हो । भूकम्प भएको अवस्थामा आफुलाई कसरी सुरक्षित राख्ने ,व्यस्थित गर्ने,उद्धार पुनःनिर्माण कार्यलाई कसरी अगाडी बढाउने लगायतका बिषयमा उनले सरल ,स्पष्ट अनि यथार्थपरक रूपमा आफ्नो कार्यअनुभव पस्किएका छन् पुस्तकमा । सरकारी सेवामा रहेर काम गर्दा आफूले बटुलेका अनुभवलाई उनले सरल शैलीमा पाठकमाझ पस्किएका हुन । साढे दुई सय पृष्ट,३१ अलग अलग उपशीर्षकमा तयार भएको पुस्तकमा आफू सरकारी सेवामा रहँदा देखें,भोगे,त्यसैलाई कृतिलाई नबग्याई,सिधा ढंगले इमान्दारपूर्वक पस्कने प्रयाश गरेका छन्,उनले ।
बिज्ञापन
यस्का अलवा भूकम्पपछि सरकारी तथा गैरसरकारी क्षेत्रबाट गरिएका उद्धार तथा राहत र पुनः निर्माणका क्रममा भएका विकृती, विसङ्गति र बेथितिलाई प्रहार गरेका छन्,कृतिमा । भूकम्पका बिषयमा अनेकन कृतिहरु भेटिन्छन्,बजारमा । तर भूकम्पपछि सरकारी उच्च सेवामा रहेर पुर्ननिर्माणकै काममा संग्लग्न रहेका वस्तीको ‘गोरखा भूकम्प, पुनर्निर्माण र म’ कृति विद्यालय÷विश्वविद्यालयका विद्यार्थी, शिक्षार्थी, शोधार्थीका अलवा भावी पुस्ताका लागि समेत अध्ययन, अनुसन्धान, अन्वेषणका लागि संग्रहणीय कृति मान्न सकिन्छ ।
बिज्ञापन
