झापा क्षेत्र नम्बर ५ को अन्तिम नतिजा सार्वजनिक भएको छ । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई ४९ हजार ६१४ मतको फराकिलो अन्तरले हराउँदै वालेन साह निर्वाचित भएका छन् ।
बिज्ञापन
कुल खसेको मतमध्ये बालेन शाहले ६८ हजार ३४८ मत प्राप्त गर्दा एमाले अध्यक्ष ओली १८ हजार ७३४ मतमा खुम्चिएका छन्। झापा–५ विगत तीन दशकदेखि केपी शर्मा ओलीको निर्विकल्प किल्ला मानिन्थ्यो। २०४८ सालदेखि निरन्तर यसै क्षेत्रबाट सक्रिय ओलीले ६४ सालबाहेक कहिल्यै निर्वाचनमा पराजय भोग्नु परेको थिएन । आफ्नै गढमा ४९ हजार ६१४ मतको फराकिलो मतान्तरले पराजित भएका छन् ।
बिज्ञापन
ओलीले २०४८ सालमा तत्कालीन झापा–६ बाट कांग्रेसका केशवकुमार बुढाथोकीलाई ४ हजार ५८७ मतान्तरले जितेका थिए । २०५१ मा पनि ओलीले उनै बुढाथोकीलाई ४ हजार ४५९ मतले पराजित गरे । २०५६ सालमा ओलीले काशीलाल ताजपुरियालाई ५ हजार ३९३ मतले पराजित गरे । तर, २०६४ सालमा ओलीलाई झापा–७ बाट तत्कालीन माओवादीका विश्वदीप लिङ्देनले ११६ मतले पराजित गरे । ओलीको यो पराजय पहिलो थियो ।
त्यसपछि २०७० सालमा कांग्रेसका सुरेशकुमार योङ्यालाई ६ हजार ९५९ मतले पराजित गरेका ओलीले २०७४ सालमा कांग्रेसकै खगेन्द्र अधिकारीलाई २८ हजार ८४२ मतले र उनै अधिकारीलाई २०७९ सालमा २८ हजार ५७६ मतले पराजित गरेका थिए ।
बिज्ञापन
