नेपाली कम्युनिस्ट पार्टीका नेता भीम रावल अछाम १ बाट पराजित भएका छन् । उनी नेपाली कांग्रेसका नेता भरतबहादुर स्वाँरसँग ५२६ मतले पराजित भएका हुन् ।
बिज्ञापन
त्यहाँ कांग्रेसका भरतकुमार स्वाँर १० हजार ७५९ मतसहित विजयी भएका हुन् । उनका निकटतम प्रतिस्पर्धी भीम रावलले १० हजार २३३ मत पाए । स्वाँर रावलबीच ५२६ को मतान्तर रहेको छ अर्थात पूर्व उपप्रधानमन्त्री समेत रहेका रावल ५२६ मतले पराजित भएका हुन् । सो निर्वाचन क्षेत्रबाट राष्ट्रिय स्वतन्त्र पार्टीका उम्मेदवार ओमप्रकाश रावलले एक हजार ७३९ मत ल्याउँदा राष्ट्रिय प्रजातन्त्र पार्टीका उम्मेदवार लोकेन्द्रबहादुर शाहको पक्षमा १०२ मत खसेको छ ।
बिज्ञापन
रावलले यसअघि लडेका पाँचमध्ये तीनमा जित र दुई निर्वाचनमा पराजय भोगेका थिए । कांग्रेसले भने यो क्षेत्रमा २६ वर्षपछि जित निकालेको हो । यसअघि अछाम– १ मा कांग्रेसका गोविन्दबहादुर शाह २०५६ सालमा विजयी भएका थिए ।
बिज्ञापन
