भूमि व्यवस्था,सहकारी तथा गरिबी निवारण मन्त्रालय सम्हाली रहेका मन्त्री प्रा डा कुमार इङ्नामले जग्गा प्रशासनसँग सम्बन्धित आफ्नो काम फत्ये गराउन मालपोत कार्यालयमा घुस बुझाउनु परेको बताएका छन् ।
बिज्ञापन
जग्गाको कामको सिलसिलामा काम पूरा गराउनका लागि भक्तपुर मालपोत कार्यालयमा उनले त्यहाँका कर्मचारीलाई पाँच हजार घुस बुझाएको बिषय उनले केही महिना अगाडि मात्र सार्वजनिक मञ्चहरुमै बताएका थिए ।
बिज्ञापन
कानुनका प्राध्यापक समेत रहेका मन्त्री इङनामले तेह्रथुमका हुन । उनी भक्तपुरमा बस्दै आएका छन् । मन्त्री हुनु भन्दा अगाडि जग्गाको कामको सिलसिलामा आफूले भक्तपुर मालपोतका कर्मचारीलाई पाँच हजार घुस बुझाउनु परेको उनले उल्लेख गरेका थिए । यद्यपि सो कार्यालयका प्रमुख माधव घिमिरेले भने यस बिषयमा आफूलाई जानकारी नभएको प्रतिक्रिया दिएका छन् । यस अघि भक्तपुर मालपोतको प्रमुख थिए,कुमार आचार्य,उनी २२ लाख घुस प्रकरणमा अख्तियार लागेर निलम्बनमा परेसँगै त्यहाँ माधव घिमिरेलाई कार्यालय प्रमुखको जिम्मेवारी दिइएको छ । कार्यालय प्रमुख घिमिरेले भने आफ्नो कार्यालयबाट नभएको प्रतिक्रिया दिएका छन् ।
मन्त्री भएको केही दिनमै प्रा डा कुमार इङ्नामले डिल्लीबजार मालपोतमा छड्के अनुगमन गरेका थिए,त्यो पनि सेवाग्राहीको रुपमा । यस्तै चाबहिल मालपोत प्रमुख दिपेन्द्र खत्रीको बदमासीको बिषयमा कर्मचारी प्रेसले समाचार लेखे लगतै उनलाई स्पष्टीकरणमात्र सोधिएन कि जिम्मेवारीबाट समेत हटाइएको छ । त्यहाँ अहिले भोजराज श्रेष्ठलाई कार्यालय प्रमुखको रुपमा खटाइएको छ । यस्तै, ललितपुर मालपोतका प्रमुखलाई समेत हटाउने तयारी गरिरहेका छन् । यी दुबै कार्यालयका प्रमुखहरु विचौलियाका जोडबलमा नियुक्त भएका थिए ।
बिज्ञापन
जग्गा प्रशासनसँग सम्बन्धित काम गर्ने भूमिसुधार, नापी विभाग र मालपोतले मिलेर नै शिकारका लागि धराप थाप्ने गरेको प्रशष्त उदाहरणहरु सुनिन्छ भेटिन्छ । सबै कागज पुर्याएर जाँदा समेत लेखनदासहरुलाई अगाडि सारेर खाजा वा चिया खाने पैसा माग्ने भ्रष्ट संस्कृति ती कार्यालयहरुमा विद्यमान रहेको छ ।
उसो त सरकारी कार्यालयबाट हाकाहाकी घुस माग्ने सिलसिला नौलो होइन यस अघि जनता समाजवादीका सांसद वीरेन्द्र महतोले आफ्नो छोराको काम गर्नका लागि शिक्षा मन्त्रालयको सानोठिमीमा ५ हजार घुस दिएर फर्किएको बिषय रोष्टमबाटै सार्वजनिक गरेका थिए ।
