पछिल्लो समय सेवा अवधि बाँकी हुँदै उच्च प्रशासकहरु राजीनामा दिदै हिड्न थालेका छन् ।
हालैमात्र सचिव भरतमणि सुवेदीले सचिव पदबाट राजीनामा दिएका छन् । उनले दिएको राजीनामा क्याविनेटले समेत स्वीकृत गरिसकेको छ ।
बिज्ञापन
चार महिना सेवा अवधि बाँकी रहँदै सचिव सुवेदीले दिएको राजीनामा हिजो बसेको मन्त्रिपरिषद् बैठकले स्वीकृत गरेको हो । मुख्य सचिवको प्रवल दावेदारका रुपमा हेरिएका सचिव सुवेदीले हठात पदबाट राजीनामा दिएका हुन । सुवेदी पाँच बर्ष सेवा अवधि पूरा गरेर आगामी पुसमा मात्र अनिवार्य अवकाशमा जाने थिए तर चार महिना सेवा अवधि बाँकी रहेका र मुख्य सचिवका प्रवल दावेदार मानिएका उनको हठात राजीनामालाई अनेकन संशयपूर्ण रुपमा हेरिँदै छ । वर्तमान मुख्य सचिव एकनारायण अर्याल पछि सिनियरका आधारमा मुख्य सचिवका प्रवल दावेदार मानिएका सुवेदीले हठात राजीनामा दिएसँगै कतै उनी निर्वाचन आयोगतिर जान लागेका त होइनन् भन्ने कोणबाट प्रश्न उठ्दै छ ।
बिज्ञापन
शक्ति र सत्तासँग नजिक रहेका उच्च प्रशासकहरु राजीनामा लगतै अर्काे नियुक्ति पाउने भएका कारण पनि पदबाट बाहिरिने गरेका छन् । सुवेदी हाल राष्ट्रिय प्राकृतिक स्रोत तथा वित्त आयोगका सचिव रहेका भरतमणि सुवेदीले सचिवको जिम्मेवारीमा रहेका छन् । यस अघि निर्वाचन आयोग,सामान्य प्रशासन मन्त्रालय, संस्कृति पर्यटन तथा नागरिक उड्ययन मन्त्रालयको सचिव चलाइसकेका र भावी मुख्य सचिवका प्रवल दावेदार मानिएका सुवेदीको हठात राजीनामा दिएका हुन । यस अघि यसैगरी पदबाट राजीनामा दिने सचिवको संख्या ३० भन्दा बढी रहको छ ।
गत बर्षमात्र मुख्य सचिव बन्नबाट बञ्चित भएका तोयनारायण ज्ञवालीले पदबाट राजीनामा दिएका थिए । सरकारले एकनारायण अर्याललाई मुख्यसचिव बनाएपछि सचिव ज्ञवालीले राजीनामा दिएका छन्। मुख्यसचिवको प्रतिस्पर्धामा सचिव ज्ञवालीले पदबाट राजीनामा दिएका थिए ।
बिज्ञापन
अघिल्लो बर्षमात्र नेपाल न्याय सेवाका सचिव तोयानाथ अधिकारीले पदबाट राजीनामा दिएका थिए । उनी ५८ वर्षीय उमेर हदले अवकाश पाउनु पाँच महिना अगावै पदबाट राजीनामा दिएका थिए । अधिकारीले नेपाल कानून आयोगमा सचिव पदबाट दिएको राजीनामालाई मन्त्रिपरिषद्ले स्वीकृति गरिसकेको छ । सचिवमा बढुवा भएको साढे तीन वर्षसम्म पनि सरकारले आयोगहरूमै थन्क्याएपछि असन्तुष्टि जनाउँदै उनले राजीनामा दिएका हुन् । उनी अघि संघीय संसद सचिवालयका सचिव ध्रुवप्रसाद घिमिरेले पदबाट राजीनामा दिएका छन् । उमेर हदले अवकाश हुन ९ महिना अवधि बाँकी रहँदै उनले राजीनामा दिएका थिए ।
यस्तै अघिल्लो बर्ष उर्जा सचिव दिनेश कुमार घिमिरेले पदबाट राजीनामा दिएका छन् । घिमिरेले महिना दिन अगावै सचिव पदबाट राजीनामा दिएका थिए ।
यसरी राजीनामा दिने मध्ये केही पेन्सनका लोभमा दुई चार दिन अगावै राजीनामा दिन्छन् भने केहीले लगतै अर्काे नियुक्ति खानका लागि । जस्तो संघीय संसदका कार्यवाहक महासचिवबाट राजीनामा दिएका पद्म प्रसाद पाण्डेयलाई अहिले संघीय संसदको महासचिव नियुक्ति गरिएको छ । त्यस अघि संसदका महासचिव डा भरतराज गौतमले घरासयी कारण देखाउँदै पदबाट राजीनामा दिएका थिए । सो ठाउँमा पाण्डेयलाई लगिएको थियो ।
पछिल्ला १० बर्षमा यसरी ३० जना उच्च प्रशासक अर्थात सचिवहरुले पदबाट राजीनामा दिएका छन् । पदबाट राजीनामा दिएर दिनेश थपलियाहरु निर्वाचन आयोग,प्रेम राई अख्तियार दुरुपयोग अनुसन्धान आयोग,तोयम राया महालेखा परीक्षकको नियुक्ति पाएका छन् । केही सचिवहरुले यहाँबाट पदबाट राजीनामा दिएर विदेशी आइएनजिओहरुमा जागिर खानका लागि समेत पदबाट राजीनामा दिने प्रवृत्ति देखिन्छ ।
