नेपाल ओलम्पिक कमिटी (एनओसी)को नयाँ कार्यसमितिले अन्तर्राष्ट्रिय ओलम्पिक कमिटी (आइओसी) ले मान्यता दिएको छ । नेपाल सरकारको असहमतिको बाबजुद पनि आइओसीले एनओसीको नयाँ कार्यसमितिलाई मान्यता दिएको हो ।
बिज्ञापन
एनओसीले गत पुस १३ गते अनलाइनमार्फत निर्वाचन गरेको थियो । उक्त निर्वाचनमा अध्यक्षमा जीवनराम श्रेष्ठ निर्वाचित भएका थिए । नेपाल सरकारले भने एनओसीको निर्वाचनलाई अवैधानिक ठहर गरेको छ । सर्वोच्च अदालत र सरकारको निर्देशनविरुद्ध एनओसीले अनलाइनबाट निर्वाचन गरेको सरकारको दाबी छ । सरकारले एनओसी अवैधानिक भएको भन्दै मान्यता नदिन आइओसीलाई पत्राचारसमेत गरेको थियो ।
बिज्ञापन
आइओसीले पत्र लेख्दै एनओसीका नवनिर्वाचित अध्यक्ष जीवनराम श्रेष्ठ र महासविच राजीव श्रेष्ठसहितको समितिलाई मान्यता दिएको जनाएको छ ।
बिज्ञापन
