सुदूरपश्चिम प्रदेश लोक सेवा आयोगले पहिलो पटक थारु कोटा छुट्टाएर विज्ञापन खोलेको छ । आयोगले उपसचिव र अधिकृत सातौं तहका पदमा पदपूर्तिका लागि विज्ञापन खोल्दा थारु कोटा आरक्षण छुटाएको हो ।
बिज्ञापन
गत मंसिरमा प्रदेश निजामती ऐन आएसँगै चार महिना पछि आयोगले पहिलो पटक आरक्षण कोटा छुट्याएर विज्ञापन खोलेको हो । चार महिना अघि जारी भएको ऐनमा थारु,राना थारुका लागि १३ प्रतिशत आरक्षण छ । यसैगरी महिलाका लागि ३३, दलितका लागि १४, आर्थिक रुपले विपन्न खस आर्यका लागि ११ प्रतिशत छुट्याइएको छ । यसैगरी आदिवासी जनजातीका लागि १०, पिछडिएको क्षेत्रका लागि १० र अपांगका लागि ४ प्रतिशत आरक्षण छ ।
बिज्ञापन
सोही व्यवस्था अनुसार आयोगले आरक्षण कोटा छुट्टाएर विज्ञापन खोलेको हो । आयोगले लेखा समूहको उपसचिव पदका लागि ज्येष्ठता र कार्यसम्पादन मूल्यांकनद्वारा हुने बढुवाका लागि २ जना र कार्यक्षमता मूल्यांकनबाट हुने बढुवाका लागि ३ जनाका लागि विज्ञापन खुलाएको छ । यसैगरी खुला तथा समावेशीमार्फत् गरिने पदपूर्तिका लागि ४ जनाका लागि विज्ञापन खोलेको छ । आयोगले लेखा र शिक्षा सेवा तर्फका अधिकृत पदका लागि ज्येष्ठता र कार्यसम्पादनको मूल्यांकनद्वारा हुने बढुवाका लागि अप्राविधिकतर्फ ११ जना, कार्यक्षमताको मूल्यांकनद्वारा हुने बढुवाका लागि १४ जना र प्राविधिकतर्फ १ जनाका लागि विज्ञापन खुलेको छ ।
बिज्ञापन
यसैगरी आन्तरिक प्रतिस्पर्धा, अन्तर तह, खुला तथा समावेशी प्रतियोगितात्मक परीक्षाको विज्ञापनका लागि अधिकृत सातौं अप्राविधिक पदका लागि ३९ पदमा विज्ञापन खुलेको छ । यसका लागि थारुरराना थारुका लागि पनि २ वटा कोटा छुट्याइएको छ । यसैगरी प्राविधिकतर्फ ८ जनाका लागि विज्ञापन खुलेको छ ।
आयोगले खुला र बढुवा प्रतियोगितामार्फत् पदपूर्तिका लागि विज्ञापन खुलाउँदा पहिलोपटक थारू कोटा पनि छुट्याएको छ । आयोगका अनुसार दरखास्त दिने म्याद २०८१ वैशाख २० गतेसम्म तोकिएको छ भने दोब्बर दस्तुर तिरेर बैशाख २७ गतेसम्म आवेदन दिन सकिने छ ।
