नेपालमा आजदेखि लोडसेडिङको जोखिम बढेको टिका टिप्पणी शुरु भएको छ । आजदेखि भारतले नेपालतर्फ सोलार आवर बिहान ६ बजेदेखि साँझ ६ बजे (घाम लाग्ने समय)मा मात्रै विद्युत् दिने हुँदा लोडसेडिङको जोखिम बढेको जनाइएको छ ।
बिज्ञापन
यस अघि भारतसँग भएको विद्युत आयात स्वीकृति दिँदा मार्च १५ तारिखदेखि जुन ३० सम्म सोलार आवरमा मात्रै बिजुली दिने शर्त राखेको हो । सोही शर्त अनुसार भारतले आजदेखि बिहानदेखि बेलुकासम्ममात्र विद्युत दिने हुँदा लोडसेडिङको जोखिम बढेको टिप्पणी चलिरहेको छ ।
बिज्ञापन
यद्यपि प्राधिकरणका कार्यकारी निर्देशक कुलमान घिसिङ भने यो वेकारको हल्ला भएको टिप्पणी गर्दछन् । घिसिङले विद्युत आपूर्ति व्यवस्थापनका लागि लोडसेडिङ गर्नुपर्ने अवस्था नरहेको प्रतिक्रिया दिएका छन् । उनले सोलार आवरको समयबाहेकको समयमा विद्युत् व्यवस्थापन गर्न आवश्यक व्यवस्थापकीय प्रबन्ध गरिसकेका जनाउँदै लोडसेडिङको हल्ला बेकार भएको प्रतिक्रिया दिए ।
पिक आवरमा १७ सय मेगावाट आसपासको विद्युत् आवश्यक पर्ने हुँदा अहिले अहिले व्यवस्थापन गर्न प्राधिकरणलाई समस्या नरहेको प्राधिकरणले जनाएको छ ।
बिज्ञापन
