राजावादीहरुको सक्रियता बढे पछि जिल्ला प्रशासन कार्यालयले संवेदनशील स्थानमा निषेधाज्ञा लगाइएको छ । जिल्ला प्रशासन कार्यालय काठमाडौँले अति विशिष्ट व्यक्तिहरुको निवास र प्रशासनिक कार्यालय आसपासका क्षेत्रलाई निषेधित क्षेत्र घोषणा गरेको हो ।
बिज्ञापन
जस अनुसार,महाराजगन्जस्थित राष्ट्रपतिको कार्यालय शीतलनिवाससहित लैनचौर, सिंहदरबार, बालुवाटार र संसद् भवन रहेको नयाँ बानेश्वर आसपास स्थान तोकेर निषेध आदेश जारी गरिएको छ । ती स्थानमा पाँचजनाभन्दा बढी व्यक्ति भेला भई अनशन, जुलुस, सभाजस्ता विरोधका कार्यक्रम गर्न निषेध गरिएको छ ।
बिज्ञापन
जिल्ला प्रशासन कार्यालय काठमाडौंले फागुन २५ देखि दुई महिनासम्मका निम्ति निषेधित क्षेत्रसम्बन्धी आदेश जारी गरिएको हो ।
काठमाडौंका प्रमुख जिल्ला अधिकारी ऋृषिराम तिवारी हस्ताक्षरीत पत्रमा भनिएको छ, देहायको क्षेत्रमा मिति २०८१ फागुन २५ गतेदेखि लागु हुने गरी २ महिनासम्मका लागि पाँचजनाभन्दा बढी व्यक्ति भेला, जम्मा भई अनशन, धर्ना, घेराउ, जुलुस, प्रदर्शन तथा सभाजस्ता विरोधका कार्यक्रम गर्न निषेध गरेको आदेश जारी गरिएको छ ।
बिज्ञापन
कसैले आदेशविपरित त्यस्ता कार्य गरेको पाइएमा ‘स्थानीय प्रशासन ऐन, २०२८’ बमोजिम कारवाही गरिने र ‘सार्वजनिक प्रदर्शन, हडताल तथा विरोधका कार्यक्रमबाट हुने क्षति मुल्यांकनसम्बन्धी कार्याविधि, ०८१’ बमोजिम आयोजकलाई क्षतिपूर्ति तिराइने पनि जानकारी गराइएको छ ।
यस्तै, विरोधका कार्यक्रमबाट सरकारी, सार्वजनिक तथा व्यक्तिगत सम्पत्ति क्षति भएमा आयोजकबाटै क्षतिपूर्तिबापतको रकम असुल गराइने आदेशमा जनाइएको छ ।
