नेपाल स्टक एक्सचेन्ज लिमिटेड (नेप्से)को प्रमुख कार्यकारी अधिकृत पदमा १० जना उम्मेदवारको आवेदन परेको छ।
बिज्ञापन
नेप्सेको प्रमुख कार्यकारी अधिकृतका लागि अर्थ मन्त्रालयले फागुन १२ गते आवेदन माग गरेको थियो। तर आवेदन समय सकिसक्दा समेत एक जनाको मात्रै आवेदन परेको थियो ।
बिज्ञापन
स्टक एक्सचेन्जले पुन ७ दिन समय थपेको थियो। थपिएको समयमा ९ जनाले सीईओको लागि आवेदन दिएका हुन्।
अर्थ मन्त्रालयले सार्वजनिक गरेको विवरण अनुसार नेप्सेको प्रमुख कार्यकारी अधिकृतको पदको लागि पूर्ण प्रसाद आचार्य इलाम, बद्रि प्रसाद प्याकुरेल नुवाकोट, नारद कुमार लुइटेल सर्लाही, युवराज दाहाल झापा, प्रविण अधिकारी काभ्रेपलाञ्चोक,चुडामणी चापागाई झापा, बिमल कुमार तिवारी सिराहा, कृष्ण बहादुर कार्की पाल्पा, हेमन्त बश्याल पाल्पा, मुकन्द राज जोशी डडेलधुराको आवेदन परेको छ ।
बिज्ञापन
आवेदक मध्ये सर्लाहिका लुइटेल लगभग पक्का भएको उच्च स्रोतको दाबी छ । व्यवसायिक घरानाको महत्वपुर्ण छलफलबाट लुइटेलको नाम सिफारिस भएसँगै अर्थमन्त्री विष्णुप्रसाद पौडेलले लुइटेलको नाम अनुमोदन गर्ने स्रोतको दाबी छ ।
मन्त्रालयले अर्थ मन्त्रालयसम्बद्ध सार्वजनिक निकायका पदाधिकारी तथा सदस्य नियुक्ति र मनोनयनसम्बन्धी मापदण्ड, २०२३ बमोजिम नेप्सको प्रमुख कार्यकारी अधिकृत छनौट तथा सिफारिससम्बन्धी कार्यविधि २०८१ अनुसार नियुत्ती प्रकृया अगाडी बढाउने छ।
यसअनुसार सीईओ हुनका लागि उम्मेदवार धितोपत्र बाजार सञ्चालन नियमावली २०६४ बमोजिमका योग्यता पूरा भएको हुनुपर्ने उल्लेख छ।
सो नियमावलीमा सीईओ हुनका लागि अर्थशास्त्र, वाणिज्यशास्त्र, वित्तशास्त्र व्यवस्थापन सूचना प्रविधि वा वाणिज्य वा कानुन विषयमा मान्यताप्राप्त शिक्षण संस्थाबाट कम्तीमा स्नातकोत्तर वा चार्टर्ड एकाउन्टेन्सी वा सोसरहको उपाधि हुासिल गरी पुँजीबजार वा वित्त क्षेत्रमा कम्तीमा ७ वर्षको उच्च व्यवस्थापकीय तहमा अनुभव भएको हुनुपर्नेछ।
यस्तै उम्मेदवार ३० वर्ष उमेर पूरा भई ६५ बर्ष ननाघेको हुनुपर्नेछ। उम्मेदवारले पुँजीबजारको सैद्धान्तिक पृष्ठभूमि एवं राष्ट्रिय तथा अन्तर्राष्ट्रिय परिदृश्यको पहिचानसहितका विभिन्न नेप्से सुधारका योजनासहितका कार्ययोजना सिफारिस समितिलाई बुझाउनुपर्नेछ।
मन्त्रालयले समिति संयोजकमा अर्थ मन्त्रालयका सहसचिव सेवन्तक पोखरेल छन् भने अर्थकै सहसचिव अमृत लम्साल र डा खोमराज खरेल सदस्य छन् । खरेललाई विज्ञ सदस्यका रूपमा राखिएको हो ।
सिफारिस समितिले उम्मेदवारको व्यावसायिक कार्ययोजनामा ४० अंक, शैक्षिक योग्यतामा १२ अंक, व्यावसायिक कार्ययोजनाको प्रस्तुतीकरणमा १८ अंक र अन्तर्वार्तामा ३० अंकसम्म दिन सक्नेछ। समग्रमा उम्मेदवारको अंकमा १ सय रहेको छ।
सोही अंकमा आधार रहेर सिफारिस समितिले उम्मेदवारबाट सीईओ नियुक्तिका लागि मन्त्रालयलाई सिफारिस गर्नेछ।
सिफारिस समितिले पहिलो चरणमा आवेदन परेका उम्मेदवारहरूबाट पाँच जनालाई व्यावसायिक कार्ययोजनाका प्रस्तुतीकरणका लागि छनौट गर्नेछ।
प्रस्तुतीकरणबाट उमेदवारले प्राप्त गरेको प्राप्तांकअनुसार समितिले पुनः ५ जनाबाट तीन जनाको नाम छनौट गरेर मन्त्रालयलाई एक जना नियुक्तिका लागि सिफारिस गर्नेछ।
विषयविज्ञलाई सिइओ नियुक्ति गर्ने प्रावधान भएको ‘नेपाल स्टक एक्सचेन्ज लिमिटेडको प्रमुख कार्यकारी अधिकृतको छनोट तथा सिफारिससम्बन्धी कार्यविधि, ०७४ लाई अर्थमन्त्री विष्णुप्रसाद पौडेलले खारेज गरेर आफू निकटका मान्छेलाई नियुक्ति दिने तयारी गरेको अर्थ मन्त्रालय स्रोतको दावी छ ।
