मन्त्रिपरिषद्को पछिल्लो बैठकले सरुवा,बढुूवा,नियुक्तिदेखि स्पष्टीकरण सोध्नेसम्मको निर्णय गरेको छ । अस्ति बुधबार साँझ प्रधानमन्त्रीको सरकारी निवास वालुवाटारमा बसेको मन्त्रिपरिषद्को बैठकले स्वास्थ्य,प्रशासन सेवातर्फ एक एक जना सहसचिवलाई सचिवमा बढुवा गर्ने निर्णय गरेको छ । यस्तै दुई सचिवका साथै एक बरिष्ठ सहसचिवको सरुवाको निर्णय पनि गरेको छ । यस्का अलवा नेपाल प्रहरीका एक जना डीआइजीलाई एआइजीमा बढुवा गर्ने निर्णय समेत गरेको छ ।
बिज्ञापन
सरकारले स्वास्थ्य तथा जनसंख्या मन्त्रालयको सचिवमा डा विकास देवकोटालाई बढुवा गर्ने निर्णय गरेको छ । गत १२ फागुनमा स्वास्थ्य सचिव डा रोशन पोखरेल अनिवार्य अवकाशमा गएसँगै रिक्त हुन पुगेको सचिवमा डा देवकोटालाई बढुवा गर्ने निर्णय गरेको हो । यो निर्णयसँगै पहिलो नम्बरमा सिफारिस भएकी डा संगीता कौशल मिश्र चर्काे आलोचना गरिरहेकी छिन् ।
बिज्ञापन
उता, नक्कली भुटानी शरणार्थी प्रकरणमा परेर पुर्पक्षका लागि थुनामा रहेका निलम्बित सचिव टेकनारायण पाण्डे गत १२ फागुनदेखि अनिवार्य अवकाशमा गएपछि उक्त रिक्त स्थानमा प्रशासनतर्फका मदन भुजेललाई सचिवमा बढुवा गरिएको हो । बढुवा सिफारिस समितिले सहसचिवहरू वीरेन्द्रकुमार यादव, मदन भुजेल र चन्द्रकला पौडेलको नाम सिफारिस गरेको थियो ।भुजेललाई मधेश प्रदेशकै प्रमुख सचिवको रुपमा पदस्थापन गर्ने निर्णय भएको छ ।
बिज्ञापन
यस्तै क्याविनेटले सुमनराज अर्याललाई राष्ट्रिय योजना आयोग र लोकनाथ पौड्याललाई उपराष्टेरपतिको कार्यालयमा सरुवा गर्ने निर्णय गरेको छ ।
यस्का अलवा क्याविनेटले प्रधानमन्त्री केपी शर्मा ओली संक्रमणकालीन न्याय सम्बन्धी विज्ञ सल्लाहकारमा पूर्व महान्यायाधिवक्ता अग्नि खरेल नियुक्त गरेको छ । नेपाल प्रहरी प्रहरी नायव महानिरीक्षक (डीआईजी) जनक भट्टराई प्रहरी अतिरिक्त महानिरीक्षक (एआईजी)मा बढुवा गर्ने निर्णय समेत गरेको हो ।
क्याविनेटले नेपाल विद्युत प्राधिकरणका कार्यकारी निर्देशक कुलमान घिसिङलाई पुनः स्पष्टीकरण सोधेको छ। यस अघि उर्जामन्त्री दिपक खड्काले दुई पटकसम्म स्पष्टीकरण सोधेकोमा अहिले मन्त्रिपरिषद्को बैठकले तीन दिने समय दिएर स्पष्टीकरण सोधिएको हो । यस अघि उर्जा मन्त्रालयको कासमू समितिले उनको कार्यसम्पादन मूल्यांकनमा मन्त्रालयले शून्य अंक दिएको छ।
उता ,मन्त्रिहरुको विदेश भ्रमणमा कडाइ गर्ने निर्णय गरेको सरकारको सोही क्याविनेट बैठकले महिला, बालबालिका तथा ज्येष्ठ नागरिकमन्त्री नवल किशोर साह, वन तथा वातावरणमन्त्री ऐन बहादुर शाही, उर्जामन्त्री दीपक खड्कादेखि अख्तियारका आयुक्त जयबहादुर चन्दसम्मको विदेश भ्रमणको स्वीकृति समेत दिएको छ ।
