हिजो बसेको क्याविनेट बैठकले बढुूवा,नियुक्तिदेखि स्पष्टीकरण सोध्नेसम्मको निर्णय गरेको छ । हिजो साँझ प्रधानमन्त्रीको सरकारी निवास वालुवाटारमा बसेको मन्त्रिपरिषद्को बैठकले स्वास्थ्य,प्रशासन सेवातर्फ एक एक जना सहसचिवलाई सचिवमा बढुवा गर्ने निर्णय गरेको छ भने नेपाल प्रहरीका एक जना डीआइजीलाई एआइजीमा बढुवा गर्ने निर्णय समेत गरेको छ ।
बिज्ञापन
सरकारले स्वास्थ्य तथा जनसंख्या मन्त्रालयको सचिवमा डा विकास देवकोटालाई बढुवा गर्ने निर्णय गरेको छ । गत १२ फागुनमा स्वास्थ्य सचिव डा रोशन पोखरेल अनिवार्य अवकाशमा गएसँगै रिक्त हुन पुगेको सचिवमा डा देवकोटालाई बढुवा गर्ने निर्णय गरेको हो । बढुवा सिफारिस समितिले तीन जना अतिरिक्त स्वास्थ्य सचिवको नाम सिफारिस गरेको छ ।
बिज्ञापन
जसमध्ये डा संगीता कौशल मिश्र, डा टंक बाराकोटी र डा विकास देवकोटाको नाम सिफारिस गरेको थियो क्याविनेटले दोश्रो नम्बरमा सिफारिस भएका देवकोटालाई सचिवमा बढुवा गर्ने निर्णय गरेको हो । देवकोटालाई स्वास्थ्यमन्त्री प्रदीप पौडेल आएसँगै स्वास्थ्य सेवा विभागको महानिर्देशकको जिम्मेवारी दिएर पठाएका थिए । यस्तै स्वास्थ्य सेवा विभागमा कार्यरत डा संगीता कौशल मिश्रलाई प्रदीप पौडेलले मन्त्रालयमा तानेका थिए । यस्तै डा टंक बाराकोटी मन्त्रालयमै कार्यरत छन् ।
सिनियरको हिसाबले मिश्र ०७९ असार २३ गते १२ औ तहमा बढुवा भएकी हुन पनि विकास र टंक भने संगीता बढुवा भएको ९ महिना पछि चैत्रमा मात्र १२ औ तहमा उक्लिएका हुन । ०५३ सालदेखि स्वास्थ्य सेवामा प्रवेश गरेको देवकोटाले मेडिकल अधिकृतदेखि जिल्ला अस्पताल, स्वास्थ्य कार्यालय, अञ्चल अस्पताल, मन्त्रालयको महत्त्वपूर्ण महाशाखा प्रमुख, लुम्बिनी प्रदेश सचिवको जिम्मेवारी सम्हालेका छन् । उनले हाल स्वास्थ्य सेवा विभागको महानिर्देशकको जिम्मेवारीमा छन्,अहिले । यस्तै २०५६ सालबाट सेवा प्रवेश गरेका झापाली बराकोटीले मेडिकल अधिकृतदेखि विभिन्न जिल्लाको निर्देशक समेत भएका छन् । लामो समय मेची अस्पतालमा काम गरेका डाक्टर टंक १२औं तह बढुवा भएपछि मात्र मन्त्रालयमा आएका हुन् ।यस्तै ५७ सालमा सेवा प्रवेश गरेकी मिश्र कोराना महामारीमा कोशी अस्पताल व्यवस्थापनमा अब्बल ठहरिएकी कर्मचारी हुन । उनी पछि परोपकार प्रसूति तथा स्त्रीरोग अस्पताल हुँदै स्वास्थ्य सेवा विभागको महानिर्देशक चलाइसकेकी कर्मचारी हुन । यी मध्ये दोश्रो नम्बरमा सिफारिस भएका देवकोटा सचिव बढुवा भएका हुन ।
बिज्ञापन
उता, नक्कली भुटानी शरणार्थी प्रकरणमा परेर पुर्पक्षका लागि थुनामा रहेका निलम्बित सचिव टेकनारायण पाण्डे गत १२ फागुनदेखि अनिवार्य अवकाशमा गएपछि उक्त रिक्त स्थानमा प्रशासनतर्फका मदन भुजेललाई सचिवमा बढुवा गरिएको हो । बढुवा सिफारिस समितिले सहसचिवहरू वीरेन्द्रकुमार यादव, मदन भुजेल र चन्द्रकला पौडेलको नाम सिफारिस भएको छ। यी तीन मध्ये भुजेल सचिवमा बढुवा भएका हुन । भुजेललाई गत पुस २६ गते बसेको बैठकले उनलाई कामु प्रमुख सचिवमा मुकरर गर्ने निर्णय गरेको थियो। भुजेल यसअघि कृषि तथा पशुपंक्षी विकास मन्त्रालयका सहसचिव थिए। यसअघि उनले विभिन्न जिल्लामा प्रमुख जिल्ला अधिकारीका रूपमा पनि जिम्मेवारी सम्हालेका छन्।
यस्का अलवा हिजोको क्याविनेटले प्रधानमन्त्री केपी शर्मा ओलीको विज्ञसल्लाहकारमा पूर्व महान्यायाधिवक्ता अग्नि खरेल नियुक्त गरेको छ । नेकपा (एमाले)का स्थायी कमिटी सदस्य समेत रहेका खरेललाई विज्ञ सल्लाहकार नियुक्त गर्ने निर्णय गरेको हो । हिजोको बैठकले नेपाल प्रहरी प्रहरी नायव महानिरीक्षक (डीआईजी) जनक भट्टराई प्रहरी अतिरिक्त महानिरीक्षक (एआईजी)मा बढुवा गर्ने निर्णय समेत गरेको हो ।
क्याविनेटले नेपाल विद्युत प्राधिकरणका कार्यकारी निर्देशक कुलमान घिसिङलाई पुनः स्पष्टीकरण सोधेको छ। यस अघि उर्जामन्त्री दिपक खड्काले दुई पटकसम्म स्पष्टीकरण सोधेकोमा अहिले मन्त्रिपरिषद्को बैठकले तीन दिने समय दिएर स्पष्टीकरण सोधिएको हो । यस अघि उर्जा मन्त्रालयको कासमू समितिले उनको कार्यसम्पादन मूल्यांकनमा मन्त्रालयले शून्य अंक दिएको छ।
