मुख्य सचिव एकनारायण अर्यालसँग मात्र होइन,अख्तियार दुरुपयोग अनुसन्धान आयोगका प्रमुख आयुक्त प्रेम राईसँग समेत प्रधानमन्त्री केपी शर्मा ओलीको खटपट भएको दृश्य सतहमै प्रकट भएको छ ।
बिज्ञापन
मुख्य सचिव र अख्तियारका प्रमुख आयुक्तसँग प्रधानमन्त्री केपी शर्मा ओलीको सम्बन्ध कुन तहसम्म विग्रिएको रहेछ भन्ने एउटा दृश्य देखियो गत साता । राजधानीमा आयोजित एक कार्यक्रममा प्रधानमन्त्री केपी शर्मा ओलीले यी दुईको नमस्कार समेत फर्काएनन् । सम्बोधनका क्रममा मञ्चमा आसिन अन्यलाई सम्बोधन गर्दा यी दुइलाई सम्बोधन समेत नगर्नुले प्रधानमन्त्रीको मुख्य सचिव र प्रमुख आयुक्तसँग सम्बन्ध विग्रिएको लख काटिएको छ ।
बिज्ञापन
महान्यायाधिवक्ताको कार्यालयले डिजिटल अपराधसम्बन्धी दुई दिने अन्तर्राष्ट्रिय सम्मेलन आयोजना गरेको थियो फागुन १५ गते देखि १६ गते सम्म काठमाडौँस्थित होटल लेमन ट्रीमा ।
क्राइम्स अफ द डिजिटल एज–एन्टिसिपेसन एन्ड रेसपोन्स नाम दिइएको उक्त कार्यक्रममा नेपाल, संयुक्त अधिराज्य (युके), नेदरल्यान्ड्स, मलेसिया, साउदी अरेबिया, सिङ्गापुर, माल्दिभ्स, दक्षिण कोरिया, अजरबैजान, भारत, चीन, श्रीलंका, नर्वे, र रुस लगायत १३ राष्ट्रका ९० जना भन्दा बढी सरकारी वकिल, कानुन विज्ञ, न्यायाधीश तथा सम्बन्धित निकायका उच्च अधिकारीहरूको सहभागिता रहेको थियो ।
बिज्ञापन
प्रधानमन्त्री केपी शर्मा ओलीले उद्घाटन गरेका थिए सो कार्यक्रमको । जहाँ मुख्य सचिव एकनारायण अर्याल,अख्तियारका प्रमुख आयुक्त प्रेम राईका अलवा सर्वोच्च अदालतका न्यायधीश सपना मल्ल प्रधान,मुख्य रजिष्ट्रार देवेन्द्रराज ढकाल,महालेखापरीक्षक तोयम रायाहरु अतिथिका रुपमा निम्तिाइएका थिए । प्रधानमन्त्री केपी शर्मा ओलीका राजनीतिक सल्लाहकार विष्णु रिमाल समेत विशेष अतिथिका रुपमा कार्यक्रममा निम्ताइएका थिए । बिहान साढे ८ बजे नै कार्यक्रमस्थलमा पुगेका मुख्य सचिव एकनारायण अर्याल र प्रमुख आयुक्त प्रेम राई ब्रेक फाष्ट गरिरहँदा प्रधानमन्त्री केपी शर्मा ओली कार्यक्रमस्थलमा पुगे ।
मुख्य सचिव र अख्तियारका आयुक्त प्रेम राईले प्रधानमन्त्री केपी शर्मा ओलीलाई नमस्कार गरे । तर प्रधानमन्त्री केपी शर्मा ओलीले उनीहरुको नमस्कार समेत फर्काएनन् । कार्यक्रम शुरु हुँदा अगाडि मञ्चमा प्रधानमन्त्री केपी शर्मा ओलीको देव्रेपट्टि साइडमा सपना मल्ल प्रधान,प्रेम राई,एकनारायण,विष्णु रिमाल र रमेश वडालहरु आसन ग्रहण गराएको थियो तर प्रधानमन्त्री केपी शर्मा ओलीले सर्वाेच्चका न्यायधीश सपना मल्ल,राजनीतिक सल्लाहकार विष्णु रिमाल, महान्यायधिवक्ता रमेश वडाललाई समबोधन गर्दा मुख्य सचिव र प्रमुख आयुक्तलाई समाबोधन गर्न नरुचाउनुले पनि मुख्य सचिवसँग मात्र होइन अख्तियारका प्रमुख आयुक्तसँग समेत प्रधानमन्त्रीको सम्बन्ध चिस्सिएको रुपमा महान्यायधिवक्ता कार्यालयकै कर्मचारीहरुले अर्थाउन थालेका छन् ।
त्यहाँ सहभागी एक कर्मचारीका अनुसार,मुख्य सचिव र अख्तियारका प्रमुख आयुक्त प्रेमलाई न त सम्बोधन गर्ने नै दिइएको थियो न त टोकन अप लभ नै । अन्य विदेशी मुलुकबाट सहभागी पाहुनाका अलवा विष्णु रिमाल,सपना मल्ल लगायतलाई टोकन अप लभ दिँइदा मुख्य सचिव एकनारायण अर्याल,अख्तियार दुरुपयोग अनुसन्धान आयोगका प्रमुख आयुक्त प्रेम राईलाई खाली हात फर्काइएको थियो ।
यस अघि अख्तियारको स्थापना दिवसको अवसरमा समेत प्रधानमन्त्री केपी शर्मा ओलीले उक्त कार्यक्रममा उपस्थिति जनाएका थिएनन् ।
