बिज्ञापन
सरकारले हालैमात्र बढुवा भएका ३७ जना कर्मचारीको पदस्थान गर्दा ५ जनालाई स्थानीय तह,१२ जना सहसचिवलाई प्रदेशस्थित मुख्यमन्त्री तथा मन्त्रिपरिषद्को कार्यालयमा खटाइँदा २० कर्मचारीलाई संघीय मन्त्रालय तथा संघकै कार्यालयमा खटाइएको छ ।
बिज्ञापन
सरकारले पाँच जना सहसचिवलाई स्थानीय तहमा खटाएको छ । एक जनालाई प्रदेशले नै खटन पटन गर्ने गरी प्रमुख प्रशासकीय अधिकृत मुख्यमन्त्री तथा मन्त्रिपरिषद्को कार्यालयमा पठाएको छ ।
सोमबार बसेको मन्त्रिपरिषद्को बैठकले हालैमात्र उपसचिवबाट बढुवा भएका ३७ जना सहसचिवको पदस्थापन गर्दा ५ जनालाई स्थानीय तहमा प्रमुख प्रशासकीय अधिकृतको रुपमा पदस्थापन गरेको हो ।
जसमा हेमराज भुसाललाई इटहरी उपमहानगरपालिका सुनसरीमा खटाएको छ भने भरत गौतमलाई हेटौंडा उपमहानगरपालिकमा पठाइएको छ ।
बिज्ञापन
यस्तै,शान्तिराज प्रसाईलाई जितपुर सीमरा उपमहानगरपालिकामा खटाइएको छ भने वीरेन्द्र कुमार मिश्रलाई जनकपुर उपमहानगरपालिकामा खटाइएको छ । सरकारले राजेन्द्र हमाललाई प्रमुख प्रशासकीय अधिकृतको जिम्मेवारीसहित मुख्यमन्त्री तथा मन्त्रिपरिषद्को कार्यालय सूदुरपश्चिममा पठाएको छ ।
यस्तै प्रदेशमा खटाइएका सहसचिवहरुमा पवन तिमिल्सिनालाई मुख्यमन्त्री तथा मन्त्रिपरिषद्को कार्यालय कोशी,युवराज अधिकारी,यमेन्द्र उपाध्याय र विमल बराललाई मधेश प्रदेश,बलराम ढकाल,लोकबहादुर सुनार,नारद गौतम र कविन्द्र नेपाललाई लुम्बिनी प्रदेश,इन्द्र प्रसाद बस्याललाई गण्डकी प्रदेशको मुख्यमन्त्री तथा मन्त्रिपरिषद्को कार्यालय,पूर्णमान शाक्य र धोलकराम ढकाललाई कर्णाली प्रदेश र कृष्णबहादुर शाही बाग्मती प्रदेशमा पदस्थापन गरिएको छ ।
बाँकी २० सहसचिवमध्ये ९ जनालाई गृह,२ अर्थ मन्त्रालय,१ जना प्रधानमन्त्री तथा मन्त्रिपरिषद् र अन्य केहीलाई भूमि व्यवस्था ।मन्त्रालय,अख्तियार,लोकसेवा आयोग लगायतका निकायमा पदस्थापन भएका छन ।
