पछिल्लो समय गृह मन्त्रालय कर्मचारी परिचालनमा चुक्दै गएको गुनासो बढ्न थालेको छ । सहसचिव र उपसचिव तहका गरी दर्जनौ कर्मचारीहरुलाई मन्त्रालयको बरण्डामा थन्काइएको छ तर अझैं पनि तीन जिल्ला प्रमुख जिल्ला अधिकारीविहिन अवस्थामा चलिरहेको छ ।
गृह मन्त्रालयले गत शुक्रवार मन्त्रीस्तरीय निर्णयबाट रौतहटका सीडीओ हिरालाल रेग्मीलाई नवलपरासी बर्दघाट सुस्ता पश्चिम र नवलपरासीमा कार्यरत स्किम श्रेष्ठलाई मकवानपुर सरुवा गरिएको हो ।
बिज्ञापन
गृहले दुई जिल्लाको प्रमुख जिल्ला अधिकारी हेरफर गर्दा अझैं थप तीन जिल्ला प्रमुख जिल्ला अधिकारी रिक्त छन् । खोटाङमा १६ माघ,ओखलढुंगामा १८ माघदेखि रिक्त रहेको छ । यस्तै रौतहट जिल्ला पनि प्रमुख जिल्ला अधिकारी विहनि बन्न पुगेको छ ।
बिज्ञापन
यी जिल्लाहरु प्रमुख जिल्ला अधिकारीविहिन भइरहँदा गृहमा सूर्य सेढाई र शशिधर घिमिरे बिगत पाँच महिनादेखि बरण्डामा छन् । यस्तै झण्डै दुई महिनादेखि बन्धु बास्तोला र प्रेम भट्टराई,अर्थबाट गृहमा भित्रिएका नारायण रिसाल दुई साता दिनदेखि जिम्मेवारी विहिन छन् । त्यहाँ दर्जन बढी उपसचिवहरु कौसीमा थन्काइएको छ ।
यसरी प्रमुख जिल्ला अधिकारीविहिन भएका केही जिल्लामा अप्रिय घटनाहरु घटिरहेका छन् । गत चार फागुनमा ४ फागुनमा खोटाङको हलेसी बजारमा आगलागी हुँदा नवलपरासीमा भएको अप्रिय घटना घट्दा त्यहाँ प्रमुख जिल्ला अधिकारी थिएनन् । खोटाङमा महिना दिन बित्दा समेत गृह प्रशासनले प्रमुख जिल्ला अधिकारी खटाउन सकेको छैन ।
शुक्रवारमात्र रौतहटका सीडीओ हिरालाल रेग्मीलाई नवलपरासी पश्चिम सरुवा गरिएको थियो । शुक्रवारको मन्त्रिस्तरीय निर्णयबाट नवलपरासीबाट सरुवा भएर माइती गाउँ मकवानपुरमा सरुवा भएकी स्किम श्रेष्ठ सोमबारमात्र त्यता हिडिसकेकी थिइन । मंगलबार यो अप्रिय निर्णय भएको हो । नयाँ सीडीओ रेग्मी हाजिर भइसकेका थिएनन् । तर मंगलबार बिहानैदेखि नवलपरासी पश्चिम तनावग्रस्त बन्यो । घटनामा एक जनाको मृत्यु र दर्जनौं घाइते भए ।
यसरी कर्मचारी परिचालनमा गृहले अझैं पनि ध्यान दिन सकेको छैन । बरु त्यहाँका मन्त्री र सचिवको ध्यान कर्मचारीभन्दा प्रहरीको सरुवा बढुवामा केन्द्रित हुँदा समस्या आएका गृहका कर्मचारीहरु बताउँछन् ।
बिज्ञापन
