नेपाल एफएटीएफको ग्रे लिस्ट (खैरो सूची)मा परेको छ । सम्पत्ति शुद्धीकरण निवारणमा नेपालको पहल कमजोर भएसँगै खैरोसूचीमा परेको हो ।
बिज्ञापन
नेपाललाई फाइनान्सियल एक्सन टास्क फोर्स (एफएटिएफ) ले आजदेखि दुई वर्षको निम्ति ‘ग्रे लिस्ट’मा राखेको छ । जी सेभन राष्ट्र मिलेर बनाएको फाइनान्सियल एक्सन टास्क फोर्स (एफएटीएफ) नामक संस्था अन्तर्राष्ट्रिय संस्थाले नेपाललाई खैरो सूचीमा राखेको हो । यो संस्थाले सम्पत्ति शुद्धीकरण निवारणमा नीति निर्माण गर्दछ । यसले सम्पत्ति शुद्धीकरण तथा आतंकवादमा वित्तीय लगानी निवारणमा विभिन्न राष्ट्रले चालेका कदमको निगरानी राख्दै आएको छ ।
बिज्ञापन
आपराधिक गतिविधिबाट आर्जित सम्पत्तिलाई सेतो धन बनाउनबाट रोक्ने अन्तर्राष्ट्रिय सहकार्यमा सघाउन चालेका कदमका आधारमा उच्च जोखिम भएका मुलुकलाई एफएटीएफले देशहरूलाई ग्रेलिस्ट र ब्ल्याकलिस्टमा राख्दै आएको छ ।
फ्रान्सको राजधानी पेरिसमा आयोजित एफएटिएफको बैठकले दोस्रो पटक नेपाललाई उक्त लिस्टमा निरन्तरता दिएको हो । नेपालसँगै लाओस पनि ग्रे लिस्टमा परेको छ भने यसअघि उक्त सूचीमा रहेको फिलिपिन्स सम्पत्ति शुद्धिकरणलगायत कानुनको पर्याप्त तर्जुमा र कार्यान्वयन गरेका कारण हटेको छ ।
बिज्ञापन
आगामी दुई वर्षसम्म पनि नेपालले त्यससम्बन्धी कानुन तर्जुमा र कार्यान्वयन पक्षलाई थप बलियो नबनाए कालोसूचीमा पर्ने सम्भावना रहन्छ । यसअघि नेपाल सन् २००९ देखि २०१४ सम्म यस्तो सूचीमा परेको थियो ।
खैरो सूचीमा परेका मुलुकलाई दातृ निकायले शंकाको नजरबाट हेर्छन् । विदेशी निकायले सहायता, लगानी आदि कटौती गर्ने खतरा हुन्छ ।
