बागमती प्रदेश सरकारले दुई कर्मचारीको बढुवा तथा पदस्थापन गर्ने निर्णय गरेको छ ।
बिज्ञापन
प्रदेश सरकारको शुक्रबार बसेको मन्त्रिपरिषद् बैठकले सङ्घीय सरकारबाट सरुवा भई आएका सहसचिव उदय राना मगरलाई प्रदेशको युवा तथा खेलकुद मन्त्रालयको सचिव पदमा काम काजका लागि खटाउने निर्णय गरेको छ भने पूर्वाधार विकास कार्यालय ललितपुरमा कार्यरत उपसचिव स्तरका सिनियर डिभिजन इन्जिनियर नवीन सिंहलाई कार्यसम्पादन तथा योग्यताको आधारमा ११ औँ तह (सचिव) मा बढुवा गर्ने निर्णय गरेको हो ।
बिज्ञापन
त्यस्तै बैठकले प्रदेश चलचित्र सम्बन्धमा व्यवस्था गर्न बनेको विधेयक संसदमा दर्ता गराउने निर्णय गरेको छ । उद्योग वाणिज्य तथा प्रशासन मन्त्रालयको प्रविधि हस्तान्तरण कार्यविधि र तालिम सञ्चालन सम्बन्धी कार्यविधि २०८१ स्वीकृत गर्ने निर्णय गरेको छ ।
बिज्ञापन
