बिज्ञापन
संघीय मामिला तथा सामान्य प्रशासन मन्त्रालयले फ्रेस अफिसरहरुलाई स्थानीय तहमा खटाएको छ । हालैमात्र शाखा अधिकृतबाट उपसचिवमा बढुवा भएका ३९ जना शाखा अधिकृतहरुलाई स्थानीय तहमा खटाएको हो ।
जसमा २४ जना उपसचिवलाई जिल्ला समन्वय समितिको कार्यालयमा खटाइएको छ भने बाँकी १५ जनालाई प्रमुख प्रशासकीय अधिकृतको जिम्मेवारीसहित स्थानीय तहमा खटाइएको छ ।
बिज्ञापन
पछिल्लो समय जिससको भूमिका माथि नै प्रश्न उठ्दै आएको स्थिति छ । स्थानीय तह नै भए पनि जिससले कानुन बनाउने अधिकार छैन । संविधानको अनुसूचीमा तीनै तहका अधिकार क्षेत्र उल्लेख गरिएको छ । तर जिससको अधिकारबारे त्यहाँ केही उल्लेख छैन । जिसस नामअनुसार समन्वयको भूमिकामा सीमित छ । त्यसैले, जिल्लाभित्र विकास तथा निर्माणसम्बन्धी कार्य सन्तुलनका लागि अनुगमन गर्ने, जिल्लास्थित संघीय र प्रादेशिक कार्यालय साथै गाउँपालिका र नगरपालिकाबीच समन्वय गर्ने अधिकार मात्रै यसले पाएको छ ।
यस्ता निकायमा आधाभन्दा धेरै जिससमा कर्मचारी छैनन्,जहाँ उपसचिवको दरबन्दी रहँदै आएको थियो । तिनै जिससमा हालैमात्र शाखा अधिकृतबाट बढूवा भएका उपसचिवलाई पठाइएको हो ।
बिज्ञापन
