पछिल्लो समय निजामती सेवामा भेगीय,क्षेत्रीय,जातीयता पकड बढ्दै गएको छ । जस्तो गृह मन्त्रालय पर्वते कर्मचारीहरुको हालीमुहाली छ । पर्यटन मन्त्रालयमा अहिले सूदुरपश्चिमका कर्मचारीहरुको बोलबोला छ । यस अघि दैलेख जिल्लाबाटै एकै पटक १० जना प्रमुख जिल्ला अधिकारी बनाइएको धेरै भएको छैन । यस्तो भेगीय,जातीय पकड गृह,पर्यटन हुँदै अहिले पानीपोखरीस्थित एउटा सरकारी कार्यालयमा समेत देखिएको छ ।
बिज्ञापन
सरकार मातहतको एउटा विभाग,सो विभागको नेतृत्वमा एउटै जिल्लामात्र होइन,एकै गाउँ र ठाउँका एक पछाडि अर्काे कर्मचारीलाई प्रमुख बनाएर पठाइनुको पछाडि संयोग मात्र होला कि सेटिङ ? यस्तो देखिएको छ,खानेपानी मन्त्रालय मातहतको खानेपाी तथा ढल व्यवस्थापन कार्यालय,पानीपोखरीमा । जहाँ पछिल्ला तीन जना महानिर्देशकहरु एउटै जिल्लाका मात्र नभइ एउटै गाउँ र ठाउँका कर्मचारीले नेतृत्व लिने अवसर पाएका छन् ।
बिज्ञापन
काँग्रेस नेता प्रदीप पौडेल निकट मानिएका महानिर्देशक रमाकान्त दुवाडी ०७९ साउन ५ गतेदेखि विभागका महानिर्देशक थिए । सूर्यराज कँडेल अनिवार्य अवकाशमा गएसँगै विभागमा दवाडीलाई लगिएको थियो । झण्डै एक बर्ष अख्तियारमा बिताएका दुवाडी गोर्खा जिल्ला गण्डकी गाउँपालिका दुर्बुङका स्थानीयवासी हुन ।
०६० सालमा अधिकृत (इञ्जिनियर)को रुपमा निजामती सेवामा प्रवेश गरेका दवाडी त्यतिखेर स्थानीय विकास मन्त्रालय अन्तर्गतको जिल्ला प्राविधिक कार्यालयमा केही समय काम गरे । सहसचिवमा बढुवा भएसँगै उनले मेलम्ची खानेपानी आयोजनामा २ बर्ष,पश्चिमाञ्चल क्षेत्रीय कार्यालय झण्डै एक बर्ष,एक बर्ष खानेपानी विभागको उपमहानिर्देशक भएर काम गरेका कर्मचारी हुन । यस्तै एक बर्ष बढी खानेपानी मन्त्रालयमा खानेपानी तथा वातावरण महाशाखा सम्हाले, खानेपानीको डिजी बन्नु अघि उनी अख्तियार दुरुपयोग अनुसन्धान आयोगमा कार्यरत थिए । त्यहाँ २० महिनासम्म जिम्मेवारी निभाएका उनलाई खानोपानी तथा ढल निकासमा पठाइएकोमा १३ महिनामा त्यहाँबाट सरुवा गरिएको थियो । दुवाडी सरुवामा परेसँगै अध्ययन बिदामा बसे । अहिले उनी मन्त्रालयको योजना तथा विकास सहायता समन्वय महाशाखाको नेतृत्व गरिरहेका छन् ।
बिज्ञापन
उनी पछिका दुई प्रमुखहरु समेत सोही जिल्ला,एकै भेगका हुन । दुवाडी पछि विभागको महानिर्देशकमा कमलराज श्रेष्ठलाई लगियो । श्रेष्ठ मेलम्ची विकास समितिका कार्यकारी निर्देशक थिए । उनलाई ०८० असोज ०१ गतेदेखि विभागको महानिर्देशकको कुर्सीमा लगिएको थियो । उनले सो विभागको २७ औं महानिर्देशकको जिम्मेवारी सम्हाले । त्यस अघि खानेपानी तथा ढल व्यवस्थापन विभागको उपमहानिर्देशक,आयोजना कार्यान्वयन निर्देशनालय (पिआईडी) को आयोजना निर्देशकको जिम्मेवारी सम्हालेर अनुभव हासिल गरेका उनलाई अवधि नपुग्दै त्यहाँबाट हटाइयो । गत साउनमा त्यहाँबाट हटाएर उनकै नातेदार रामकुमार श्रेष्ठलाई त्यहाँ खटाइएको छ ।स्रोतका अनुसार रामकुमार र कमल श्रेष्ठ नातेदार हुन ।
आफ्नै नातेदार कमललाई चलखेल गरेर रामकुमारले हटाएको चर्चा अहिले खानेपानी मन्त्रालयमा चल्ने गरेको छ । यही कारण श्रेष्ठद्धयबीच तिक्तताको स्थिति छ । माओवादी निकटका भनेर चिनिएका रामकुमार कुस्त लगानी गरेर विभागको नेतृत्वमा पुगेका खानेपानी मन्त्रालयकै कर्मचारीहरु चर्चा गर्ने गर्दछन् ।
