संघीय संसदको राज्य व्यवस्था तथा सुशासन समितिमा आजदेखि संघीय निजामती सेवा विद्येयक उपर दफादार छलफल हुने कार्यक्रम थियो तर अन्तिम समयमा आएर समितिको बैठक नै स्थगित भएको छ ।
बिज्ञापन
संघीय निजामती सेवा विधेयकमा छलफल गर्न दिँउसो बस्ने तय भएको बैठकमा विभागीय मन्त्री अनुपस्थित हुने भएसँगै उक्त बैठक अन्तिम समयमा स्थगित गरिएको जनाइएको छ ।
बिज्ञापन
समितिका सभापति रामहरि खतिवडाका अनुसार आजदेखि संघीय निजामती विधेयक उपर दफावार छलफल गर्ने कार्यतालिका रहेको थियो । उक्त विद्येयक उपर दफादार छलफल गरि छिटोभन्दा छिटो टुंग्याएर हिँउदे अधिवेशन शुरु भए लगतै लैजाने तयारी भइरहेको खतिवडा बताउँछन् ।
सोही अनुरुप आज मध्यान्हका लागि संघीय मामिला तथा सामान्य प्रशासन मन्त्री राजकुमार गुप्तालाई बैठकमा आमन्त्रण गरिएको थियो । तर छलफलका लागि बोलाइएका मन्त्री गुप्ता उपत्यका बाहिर भएकाले बैठक स्थगित गरिएको जनाइएको छ । समितिका अनुसार अर्काे बैठक भोलि बिहान साढे ११ बजे बस्ने छ । बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयकमाथि दफावार छलफल हुने छ ।
बिज्ञापन
