व्यवसायीहरु आफ्नो कर्तुत लुकाउन कसरी दलको खोल ओड्छन्,पछिल्ला यी उदाहरण हेरौं । हालैमात्र एमालेलाई जग्गा दान दिएर चर्चा र विवादमा तानिएका ‘दानवीर’ मीनबहादुर गुरुङ्ग । देशकै मुटु वालुवाटारमा रहेको ललिता निवासको सरकारी जग्गा हिनामिना प्रकरणमा मुछिएका यिनै दानवीरले पछिल्ला तीन बर्षमा चार अर्ब कर छली गरेको देखिएको छ । भाटभटेनी सुपर मार्केट एण्ड डिपार्टमेन्टल स्टोर्सविरुद्ध ठूला करदाता कार्यालय हरिहरभवन ललितपुरले हालेको मुद्दा सर्वोच्च अदालतबाट हारेसँगै भाटभटेनीले ४ अर्ब ३६ करोड रुपैयाँभन्दा बढी कर तिर्नुपर्ने भएको छ ।
बिज्ञापन
बिज्ञापन
सर्वाेच्च अदालतले हालैमात्र तल्लो अदालतको निर्णय सदर गरेसँगै अब दानवीर गुरुङ्गलाई चार अर्ब ३५ करोड चुना लाग्ने भएको हो । भाटभेटनीले ९०० वटा आपूर्तिकर्तामध्ये १५२ वटाबाट नक्कली कारोवार गरेको देखिएको थियो । भाटभटेनीले कारोबार गरेकामध्ये विवादित देखिएका १ सय ५२ वटा फर्म थिए । ती सबैबाट वस्तु वा सेवा नलिई बिलबीजक मात्रै लिएकाले नक्कली कारोबार ठहर भएको थियो । त्यतिबेला २० करोड ९० लाख रुपैयाँ करयोग्य आयको घोषणा भएको थियो ।कर प्रशासनले भाटभटेनीमाथि २०६४ देखि ०६७ सम्म २२ करोड ६७ लाखको भ्याट छली आरोपमा संशोधित कर निर्धारण गरेको थियो । यसरी नक्कली विल विजकबाट कारोवार गर्दै राजश्व मार्दै आएका गुरुङ्गले अब सर्वाेच्च आदेशसँगै ४ अर्ब ३५ करोड तिर्नुपर्ने भनेको हो ।
उता काँग्रेसको खोल ओढेर बदमासी गर्दै आएका विनोद चौधरीलाई अदालतले झड्का हानेको छ । चौधरी समूहअन्तर्गतको सीजी ब्रुअरी,वाइवाई चाउचाउ, सीजी मोटर्स किङलङले कर छली गरेको पाइएसँगै अदालतले थप कर निर्धारण गरेको छ । ठूला करदता कार्यालयले सीजी ब्रुअरीको २०७२/७३, २०७३/७४ र २०७६/७७ मा करछली गरेको फेला पारेको हो । २०७२/०७३ मा २८ लाख ८८ हजार १ सय रुपैयाँ, २०७३/०७४ मा ४५ लाख ६३ हजार ६ सय ९९ रुपैयाँ र २०७६/०७७ मा ५३ लाख २ हजार १० रुपैयाँ आयकर र आर्थिक वर्ष २०७६/०७७ मा १९ लाख ६९ लाख ८ सय ८२ रुपैयाँ अग्रिम करकट्टी शीर्षकमा छली भएको ठहर गरेको थियो । यस्तै २०७७/०७८ मा सीजी फुड्स इण्डष्ट्रिज प्रालिले आयकर छली गरेको भन्दै मध्यमस्तरीय करदाता कार्यालयले थप कर निर्धारण गरेको थियो। कार्यालयले १ करोड २३ लाख ४३ हजार रुपैयाँ कर निर्धारण गरेको थियो । यस्का अलवा गत बर्ष चौधरी समूहकै सीजी मोटर्सले चीनबाट विद्युतीय भ्यान आयात गर्दा बारम्बार करछली गर्दै आएको पाइएको हो। ९ सिट क्षमताको विद्युतीय भ्यानलाई ११ सिट भनेर कम कर तिरेर आयात गरेको पाइएपछि भन्सार विभागको समन्वयमा रसुवा भन्सार कार्यालयले सीजी मोटर्सलाई छली भएको कर र जरिवानासहित रकम तिर्न आउन पत्राचार गरेको छ ।
बिज्ञापन
उता पछिल्लो समय चन्द्र ढकाल पनि यही खेलोमेलोमा छन् । केही प्रशासकहरुलाई हातमा लिएर चन्द्र ढकाल राज्य दोहनमा सक्रिय छन् । उनले कौडीका भाउमा सरकारी जग्गा हत्याएर देशका सात सात स्थानमा केवलकार चलाइरहेका छन् । त्यसका अलवा उनी सञ्चालक रहेको डिस होम,आइएमइ मोर्टस लगायतका कम्पनीले मीनबहादुर र विनोद चौधरीले झैं कर छली गरिरहेको बिषय यस अगाडि नै बाहिरिएको भए पनि सत्ता र शक्ति दाहिना हुँदा उनलाई राज्यले केही गर्न सकेको छैन ।
