१८ जना उपसचिवलाई सहसचिव पदमा बढुवाका लागि सिफारिस भएका छन् । बढुवा सिफारिस समितिको हिजो बसेको बैठकले
नेपाल प्रशासन सेवाका १८ जना उपसचिवहरुलाई सहसचिवमा बढुवा सिफारिस गरेको हो ।
बिज्ञापन
निजामती सेवा ऐन २०४९ को दफा २० (४) र २४ च अनुसार ती उपसचिवहरुलाई सहसचिवमा बढुवा सिफारिस गरिएको हो ।
बढुवाका लागि सिफारिस भएका कर्मचारीहरुमा प्रेम प्रसाद लुइँटेल, राम दत्त पाण्डेय, लक्ष्मण ढकाल, विनीता भट्टराई, दिल कुमार तामाङ, लक्ष्मी पाण्डेय गौतम, मनिता श्रेष्ठ, लोक बहादुर सुनार र जगदीश्वर उपाध्याय, नारद गौतम, निर्मल ढकाल, वीरेन्द्र कुमार मिश्र, राजेन्द्र कुमार हमाल, इन्द्र प्रसाद बस्याल, शिव प्रसाद चौधरी, दिव्य राज पोखरेल, पूर्णमान श्रेष्ठ र कृष्ण बहादुर शाही रहेका छन् ।
उनीहरु सबै कार्यक्षमता मुल्यांकनका आधारमा बढुवा सिफारिस भएका हुन । ती कर्मचारीहरुले शत प्रतिशत अंक सहित बढुवा सिफारिस भएका छन् । के कार्यसम्पादन अब्बल भएरै हो त ? ती कर्मचारीहरुले कासमूमा शत प्रतिशत अंक पाउन सफल भएको ? यसरी दिइने कासमू नम्बर कतिको वैज्ञानिक छ ? सरकारी कर्मचारीहरु नै कार्यसम्पादन मूल्यांकन गर्ने विद्यमान परिपाटीप्रति सन्तृष्ट छैनन् ।
बिज्ञापन
कर्मचारीहरुको शैक्षिक योग्यता,तालिम,जेष्ठता,भौगोलिक क्षेत्रका आधारमा नम्बर दिँइदै आएको छ र यही आधारमा उनीहरु बढुवा हुँदै आएका छन् । कासमू कार्यालयका सुपरीवेक्षक, विभागीय प्रमुख तथा कार्यसम्पादन मूल्यांकन समितिबाट गरिन्छ । जसका लागि कर्मचारीको जिम्मेवारी, कार्य लागत, प्राप्त नतिजालगायत विषय हेरेर कासमू अंक दिने गरिन्छ । यो विद्यमान मूल्याकन परिपाटी वैज्ञानिक नभएको कर्मचारीहरु नै टिप्पणी गर्दछन् ।
बिज्ञापन
