गृह मन्त्रालयले महिना दिन अगाडि १२ उपसचिवको सरुवा गरेको थियो । जसमा केही शक्तिशाली उपसचिवको सरुवा भने उल्टिएको छ । यस अघि काठमाडौंका सहायक प्रमुख जिल्ला अधिकारी,बारा लगायतका केही जिल्लाको नेतृत्व गरिसकेका कृष्णबहादुर कटवालले आफ्नो सरुवा उल्टाएका हुन ।
बिज्ञापन
गृहमन्त्री रमेश लेखक र सचिव गोकर्णमणि दुवाडी भन्दा पावरफुल छन्,त्यहाँका स्वकीय र पिए । मन्त्री रमेश लेखकले आफ्नो भेगीय र तुलनात्मक रुपमा इमान्दार र क्षमतावान धर्मराज जोशीलाई सचिवालयमा राखेका थिए तर उनलाई अध्यागमनमा फालेर त्यहाँ अहिले बद्री तिवारी आइपुगेका छन् । उनै तिवारी कर्मचारी र प्रहरी प्रशासनको सरुवामा हावी हुन थालेका हुन । उनै तिवारीहरु हाबी हुँदा कर्मचारी सरुवामा भद्रगोल निस्किएको गृह प्रशासनले जनाएको छ । तिवारी यस अघि दिल्ली दुतावासमा थिए । डिभिजन सहकारी कार्यालय ललितपुर,यस अघि रमेश लेखक मन्त्री हुँदा उनकै सचिवालयमा बसेका कर्मचारी हुन । शेरबहादुर प्रम हुँदा उनकै सचिवालयमा बसेका उनी यस पटक मन्त्री लेखकको सचिवालयमा छन् । उसो त अहिले गृह प्रशासनमा पर्वतेहरु हाबी छन् । मन्त्रीको निजी सचिव तिवारी,कर्मचारी प्रशासनका हाकिम छवि रिजालदेखि ललितपुरको प्रमुख जिल्ला अधिकारी बनाएर खटाइएका रमेश ढकाल समेत पर्वते हुन । अहिले गृहको कर्मचारी परिचालन यिनै पर्वतेहरुका कारण विग्रिएको गृहकै एक सहसचिव बताउँछन् ।
बिज्ञापन
जस्को पछिल्लो एउटा उदाहरण :गत मंसिर १३ मा गृहले उपसचिवहरू, कारागार प्रशासकहरू, सहायक प्रमुख जिल्ला अधिकारी लगायत एक दर्जन उपसचिवको सरुवा गरेको थियो । गीता घिमिरेलाई ललितपुरमा सहायक प्रमुख जिल्ला अधिकारीको रुपमा खटाइएको थियो भने चुडामणि शर्मा गौमलाई चितवनमा सहायक प्रमुख जिल्ला अधिकारीको जिम्मेवारी दिएर पठाइएको थियो । यस्तै भक्तपुरका सहायक प्रमुख जिल्ला अधिकारी डोरेन्द्र निरौला र धनकुटाका सहायक प्रमुख जिल्ला अधिकारी सहदेव रायमाझीको मन्त्रालयमा सरुवा गरिएको छ । चितवनका सहायक प्रमुख जिल्ला अधिकारी सुवासकुमार लामिछानेको कारागार कार्यालय झुम्का, सुनसरीमा सरुवा गरिएको छ भने उनको ठाउँमा चूडामणि शर्मा गौतमलाई खटाइएको थियो । उक्त सूची अनुसार उपसचिव चिरञ्जीवी भण्डारीलाई भक्तपुरको सहायक प्रमुख जिल्ला अधिकारीको जिम्मेवारी दिइएको छ भने कारागार कार्यालय झुम्काका कारागार प्रशासक ध्रुवप्रसाद कोइरालालाई धनुषाको सहायक प्रमुख जिल्ला अधिकारीको जिम्मेवारी दिइएको छ ।
चेतराज बराल सिराहाको सहायक प्रमुख जिल्ला बन्दा खगेन्द्र सुवेदीले धनकुटाको सहायक प्रमुख जिल्ला अधिकारीको जिम्मेवारी पाएका छन् । सोही सरुवाको सूची अनुसार केन्द्रीय कारागारका जेलर कृष्णबहादुर कटुवाललाई मन्त्रालयमा तानेर त्यहाँ अञ्जन न्यौपानेलाई पठाउने निर्णय भए पनि कटुवालको सरुवा उल्टिएको मन्त्रालयले जनाएको छ ।
बिज्ञापन
उसो त अध्यागमनमा ४० जना अधिकृतहरु खटाइएको छ । जबकी त्यहाँ ९ जना अधिकृतको दरबन्दीमात्र रिक्त हो । त्यसरी अधिकृत खटाइँदा अधिकाश पर्वत र सूदुरपश्चिमकाहरुले अवसर पाएपछि गृहभित्रै कर्मचारीहरुले आपत्ति जनाइरहेका छन् ।
यस्का अलवा लालबाबु कवारीलाई आफ्नै गृह जिल्ला महोत्तरीको प्रमुख जिल्ला अधिकारी बनाएर खटाइएको छ । सहसचिव बसन्त अधिकारीलाई चलखेलका आधारमा वारा पठाइएको छ भने सहसचिव भएको दुई बर्षमै रमेश ढकाल ललितपुरमा पठाइएको बिषयमा पनि कर्मचारीहरु चलखेल भएको बताउँछन् । गृहका सदाबाहार सिडियोका रुपमा चिनिएका उमेश ढकाल काभ्रे पुगेका छन् । जति सिडियो भएका छन्,आर्थिक चलखेलकै आधारमा भएका हुन अर्को सहसचिव भन्छन् । पूराना र योग्य कर्मचारीले जिम्मेवारी पाएका छैनन् ।
सरुवा मापदण्डमा आफ्नै गृहजिल्लाको नेतृत्व दिएर कर्मचारी नपठाउने भनिएको छ तर नवराज जैसीलाई गृहजिल्ला दैलेख, लालबाबु कवारीलाई महोत्तरी र रामकृष्ण अधिकारीलाई गृहजिल्ला नुवाकोटमै खटाइएको छ ।
