न्यायोचित सेवाप्रवाह नभएको भन्दै गाउँपालिकाका अध्यक्षले जिल्ला प्रशासन कार्यालयमा तोडफोड गरेका छन् । राहदानी वितरणमा न्यायोचित सेवाप्रवाह नभएको भन्दै सिडियो कार्यालय तोडफोड गर्ने पालिका अध्यक्ष हुन बेद थापामगर ।
बिज्ञापन
गुल्मीको कालीगण्डकी गाउँपालिका अध्यक्ष रहेका मगरले हिजो जिल्ला प्रशासन कार्यालयको स्क्यानर फुटाइदिएका हुन । जिल्लाको विकट मानिने कालिगण्डकी गाउँपालिका सेवाग्राहीलाई सेवाप्रवाहमा प्रथमिकता दिनुपर्ने उनको माग थियो । टाढाबाट आएका नागरिकलाई पहिला सेवा दिन आग्रह गर्दा कर्मचारीले अस्वीकार गरेपछि उनले सामाग्री फुटाइदिएका हुन ।
बिज्ञापन
आफ्नो पालिकाका नागरिकले सहजै सेवा नपाएको भन्दै उनले जिल्ला प्रशासन कार्यालयको राहदानी शाखामा तोडफोड गरेका हुन् । अपराह्न मगरले प्रशासन कार्यालयमा रहेको राहदानी फाँटको स्क्यानर फुटाइदिएसँगै उनलाई प्रहरीले नियन्त्रणमा दिएको थियो ।
थापालाई जिल्ला प्रहरी कार्यालय गुल्मीले केहीबेर नियन्त्रणमा लिएको थियो ।लिखित आत्मालोचनासहित क्षतिपूर्ति दिने सहमतिपछि उनलाई हिजै छाडिएको जिल्ला प्रशासन कार्यालयले जनाएको छ ।
बिज्ञापन
